Sydney University: କ୍ରୀଡ଼ାର ବିକାଶ ପାଇଁ ସିଡ୍‌ନି ବିଶ୍ବବିଦ୍ୟାଳୟ-‘କିଟ୍‌’ ବୁଝାମଣାପତ୍ର

ଭୁବନେଶ୍ବର: କ୍ରୀଡ଼ାର ବିକାଶ ନେଇ ଅଷ୍ଟ୍ରେଲିଆର ସିଡ୍‌ନି  ୟୁନିଭର୍ସିଟି ସ୍ପୋର୍ଟ ଆଣ୍ଡ୍‌ ଫିଟନେସ୍ ଲିମିଟେଡ୍ (ସିଡ୍‌ନି ୟୁନିଭର୍ସିଟି ସ୍ପୋର୍ଟ) ଏବଂ କିଟ୍‌ ବିଶ୍ବବିଦ୍ୟାଳୟ ମଧ୍ୟରେ ଶନିବାର ଏକ ବୁଝାମଣାପତ୍ର ସ୍ବାକ୍ଷରିତ ହୋଇଛି। କିଟ୍‌ ପକ୍ଷରୁ ପ୍ରତିଷ୍ଠାତା ଅଚ୍ୟୁତ ସାମନ୍ତ ଏବଂ ସିଡ୍‌ନି ୟୁନିଭର୍ସିଟି ସ୍ପୋର୍ଟ ପକ୍ଷରୁ ଏହାର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଏଡୱାର୍ଡ ସ୍ମିଥ ଏହି ବୁଝାମଣାପତ୍ରରେ ସ୍ବାକ୍ଷର କରିଛନ୍ତି।

Seminar: ‘ଓଡ଼ିଆ ଭାଷା, ସାହିତ୍ୟ ଓ ସାଂସ୍କୃତିକ ପରିଚୟ ଗଠନର ପୁନାର୍ବଲୋକନ’ ଶୀର୍ଷକ ଆଲୋଚନାଚକ୍ର

ଏହି ବୁଝାମଣାପତ୍ର ଅନୁସାରେ ଅନ୍ତର୍ଜାତୀୟ କ୍ରୀଡ଼ା ପ୍ରଦର୍ଶନକୁ ବୃଦ୍ଧି କରିବା, ବୃତ୍ତିଗତ ବିନିମୟ, ପ୍ରଶିକ୍ଷକ ଶିକ୍ଷା, କ୍ରୀଡ଼ା ବିଜ୍ଞାନ କ୍ଷମତା ଓ କ୍ରୀଡ଼ାବିତ ବିକାଶ ଦିଗରେ ଉଭୟ ବିଶ୍ୱବିଦ୍ୟାଳୟ ପରସ୍ପରକୁ ସହଯୋଗ କରିବେ। ଏହା ସହ ପ୍ରୟୋଗିକ ଜ୍ଞାନ ବିନିମୟ ମାଧ୍ୟମରେ ଉଚ୍ଚ-ପ୍ରଦର୍ଶିତ କ୍ରୀଡ଼ାରେ ଆନୁଷ୍ଠାନିକ କ୍ଷମତାକୁ ସୁଦୃଢ଼ କରିବା ଦିଗରେ ଉଭୟ ବିଶ୍ୱବିଦ୍ୟାଳୟ କାର୍ଯ୍ୟ କରିବେ। ଏଥିରେ ସ୍ୱଳ୍ପକାଳୀନ ପ୍ରଶିକ୍ଷକ ବିନିମୟ କାର୍ଯ୍ୟକ୍ରମ ମାଧ୍ୟମରେ ସିଡ୍‌ନି ୟୁନିଭର୍ସିଟି ସ୍ପୋର୍ଟର ପ୍ରଶିକ୍ଷକମାନେ ଉପଲବ୍ଧ ଅଣ-ପ୍ରତିଯୋଗିତା କିମ୍ବା ନିର୍ଦ୍ଦିଷ୍ଟ ତାଲିମ ସପ୍ତାହ ସମୟରେ କିଟ୍ ବିଶ୍ୱବିଦ୍ୟାଳୟ ପରିଦର୍ଶନ କରି କିଟ୍‌ ପ୍ରଶିକ୍ଷକମାନଙ୍କ ପାଇଁ ସ୍ବତନ୍ତ୍ର ତାଲିମ ଅଧିବେଶନ, ପରାମର୍ଶ ଓ ବୃତ୍ତିଗତ ବିକାଶ କର୍ମଶାଳା ପରିଚାଳନା କରିବେ। ଏହି କାର୍ଯ୍ୟଗୁଡ଼ିକ ବ୍ୟାବହାରିକ ପ୍ରଶିକ୍ଷଣ ପଦ୍ଧତି, ଆଧୁନିକ ତାଲିମ ପଦ୍ଧତି ଓ ଅନ୍ତର୍ଜାତୀୟ ମାନଦଣ୍ଡ ସହିତ ସମନ୍ୱିତ କ୍ରୀଡ଼ା-ନିର୍ଦ୍ଦିଷ୍ଟ ଦକ୍ଷତା ବିକାଶ ଉପରେ ଧ୍ୟାନ କେନ୍ଦ୍ରିତ କରିବ ବୋଲି ଆଶା କରାଯାଉଛି।

Khordha-Balangir Railway Project: ଖୋର୍ଦ୍ଧା-ବଲାଙ୍ଗୀର ରେଳ ପ୍ରକଳ୍ପ: ଖୁବ୍‌ଶୀଘ୍ର ଟନେଲ୍‌ ମଧ୍ୟ ଦେଇ ଗଡ଼ିବ ଟ୍ରେନ୍‌

ସେହିପରି କିଟ୍ ଏହାର ପ୍ରଶିକ୍ଷକମାନଙ୍କୁ ଅଷ୍ଟ୍ରେଲିଆରେ ସିଡ୍‌ନି ୟୁନିଭର୍ସିଟି ସ୍ପୋର୍ଟ ପରିଦର୍ଶନ କରିବା ପାଇଁ ସୁଯୋଗ ପ୍ରଦାନ କରିବ। ଯାହା ସେମାନଙ୍କୁ ଉନ୍ନତ ବିଶ୍ୱବିଦ୍ୟାଳୟ କ୍ରୀଡ଼ା ପରିବେଶରେ ଅଭିଜ୍ଞ ପ୍ରଶିକ୍ଷକଙ୍କ ସହିତ କାର୍ଯ୍ୟ କରି ସିଧାସଳଖ ଅଭିଜ୍ଞତା ହାସଲ କରିବାକୁ ସକ୍ଷମ କରିବ। ଏଭଳି ପ୍ରୟାସକୁ କିଟ୍‌ ଓ କିସ୍‌ ପ୍ରତିଷ୍ଠାତା ଅଚ୍ୟୁତ ସାମନ୍ତ ପ୍ରଶଂସା କରି କହିଛନ୍ତି ‘ଏଭଳି ବିନିମୟ କୋଚିଂ ଦକ୍ଷତା ବୃଦ୍ଧି କରିବା, ବୃତ୍ତିଗତ ଦୃଷ୍ଟିକୋଣକୁ ବ୍ୟାପକ କରିବା, ଆଥଲେଟ୍‌ ପ୍ରସ୍ତୁତି, ତାଲିମ ଡିଜାଇନ୍ ଏବଂ କାର୍ଯ୍ୟଦକ୍ଷତା ପରିଚାଳନାରେ ବିଶ୍ୱସ୍ତରୀୟ ସର୍ବୋତ୍ତମ ଅଭ୍ୟାସ ଗ୍ରହଣକୁ ପ୍ରୋତ୍ସାହିତ କରିବ’। କିଟ୍‌ ଓ କିସ୍‌ ଆରମ୍ଭରୁ ଶିକ୍ଷା ସହ କ୍ରୀଡ଼ା ଓ କ୍ରୀଡ଼ାବିତ୍‌ଙ୍କୁ ପ୍ରୋତ୍ସାହିତ କରିଆସୁଛି। କିଟ୍‌ରେ ଅତ୍ୟାଧୁନିକ କ୍ରୀଡ଼ା ଭିତ୍ତିଭୂମି ଥିବାରୁ ଏଠାରେ ବର୍ଷତମାମ ବିଭିନ୍ନ ଜାତୀୟ ଓ ଅନ୍ତର୍ଜାତୀୟ କ୍ରୀଡ଼ା ପ୍ରତିଯୋଗିତା ଆୟୋଜିତ ହୋଇଆସୁଛି। ଫଳରେ ଏହା ଅନ୍ତର୍ଜାତୀୟ କ୍ରୀଡ଼ାପ୍ରେମୀଙ୍କ ଦୃଷ୍ଟି ଆକର୍ଷଣ କରି ପାରିଛି ବୋଲି ଶ୍ରୀ ସାମନ୍ତ କହିଛନ୍ତି।