ଡେରାଡୁନ: ଖୋଲିଛି ବାବା କେଦାରନାଥଙ୍କ କପାଟ । ଅନେକ ଅପେକ୍ଷା ପରେ ଆଜି ବାବାଙ୍କ ଧାମ ଭକ୍ତଙ୍କ ପାଇଁ ଖୋଲା ଯାଇଛି । ଆଉ ଶ୍ରଦ୍ଧାଳୁଙ୍କ ଆଗମନ ପାଇଁ କେଦାରନାଥଙ୍କ ମନ୍ଦିରକୁ ଫୁଲରେ ସଜା ଯାଇଛି । ବାବାଙ୍କ ଧାମରେ ଲାଗିଛି ୧୦୮ କ୍ବିଣ୍ଟାଲ ଫୁଲ । ମନ୍ଦିରର ମୁଖଶାଳା ସମେତ ମନ୍ଦିର ପରିସରରେ ଖାଲି ଫୁଲରେ ସଜା ଯାଇଛି । ଖାଲି ସେତିକି ନୁହେଁ କେଦାରନାଥଙ୍କ ଦର୍ଶନ କରିବାକୁ ଯାଇଥିବା ହଜାର ହଜାର ଶ୍ରଦ୍ଧାଳୁଙ୍କ ଉପରେ ଆକାଶ ମାର୍ଗରୁ ହେଲିକପ୍ଟରରେ ପୁଷ୍ପ ବୃଷ୍ଟି କରାଯାଇଛି ।

Advertisment

ତେବେ ହରହର ମହାଦେବ... ଜୟ ବାବା କେଦାରନାଙ୍କର ଜୟ... ଘଣ୍ଟ ଘଣ୍ଟା, ଓଁକାର ଧ୍ବନୀ ଏବଂ ମହାଦେବଙ୍କ ଜୟଜୟକାରରେ ଆଜି ସକାଳ ୭ଟାରୁ ଶ୍ରଦ୍ଧାଳୁଙ୍କ ପାଇଁ କେଦାରନାଥଙ୍କ କପାଟ ଖୋଲି ଦିଆଯାଇଛି । ଆଉ ଯେମିତି କପାଟ ଖୋଲିଛି ମନ୍ଦିର ବାହାରେ ଅପେକ୍ଷା କରିଥିବା ୧୫ ହଜାର ଭକ୍ତ ବାବାଙ୍କ ଦର୍ଶନ କରିବାର ସୌଭାଗ୍ୟ ଅର୍ଜନ କରିଛନ୍ତି ।

ଦେବଭୂମି ଉତ୍ତରାଖଣ୍ଡ ସ୍ଥିତ କେଦାରନାଥ ଧାମର କପାଟ ଆଜି ବୈଦିକ ରୀତିନୀତିରେ ଖୋଲା ଯାଇଥିବା ବେଳେ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ ଶ୍ରଦ୍ଧାଳୁଙ୍କୁ ସ୍ବାଗତ କରିବା ସହ ନିଜେ ମନ୍ଦିର ଭିତରକୁ ଯାଇ ବାବାଙ୍କ ଦର୍ଶନ କରିଥିଲେ । ତା ସହ ମୋଦୀ ବାବା କେଦାରନାଥ ବଡ଼ ଭକ୍ତ ବୋଲି କହିବା ସହ ଶ୍ରଦ୍ଧାଳୁଙ୍କୁ ଖାଦ୍ୟ ପରଷି ଦେଇଛନ୍ତି ଧାମୀ ।