ବେଙ୍ଗାଲୁରୁ: କର୍ଣ୍ଣାଟକର ବେଙ୍ଗାଲୁରୁରେ ରେଣୁକାସ୍ୱାମୀଙ୍କ ହତ୍ୟା ମାମଲାରେ କନ୍ନଡ ଅଭିନେତା ଦର୍ଶନ ଏବଂ ତାଙ୍କ ପ୍ରେମିକା ପବିତ୍ରା ଗୌଡା ଏବେ ପୁଲିସ ହେପାଜତରେ ଅଛନ୍ତି। ହତ୍ୟା ଆରୋପ ଲାଗିବା ପରେ ମଧ୍ୟ ଅଭିନେତ୍ରୀ ପବିତ୍ରାଙ୍କ ଉପରେ ଏହାର କୌଣସି ପ୍ରଭାବ ପଡ଼ିନଥିବା ଦେଖାଯାଇଛି। ହତ୍ୟା ମାମଲାରେ ଜଣେ ମୁଖ୍ୟ ଅଭିଯୁକ୍ତ ଥିଲେ ଲୋକଙ୍କ ଅବସ୍ଥା ଖରାପ ହୋଇଯାଏ। ଚିନ୍ତାରେ ସେମାନଙ୍କର ନିଦ ହଜିଯାଏ। ଖାଇବା-ପିଇବା ଭୁଲିଯାଆନ୍ତି ଲୋକେ। କିନ୍ତୁ ପବିତ୍ରାଙ୍କ ଉପରେ ସେଭଳି କୌଣସି ପ୍ରଭାବ ପଡ଼ିନାହିଁ। ପୁଲିସ୍ ହେପାଜତରେ ବି ବିଳାସପୂର୍ଣ୍ଣ ଜୀବନ ବଞ୍ଚୁଛନ୍ତି ପବିତ୍ରା।
Sambad is now on WhatsApp
Join and get latest news updates delivered to you via WhatsApp
କୁହାଯାଉଛି ଯେ, ପୁଲିସ ହେପାଜତରେ ବି ସେ ମେକ୍ ଅପ ନେବାକୁ ଭୁଲୁନାହାନ୍ତି। ଏନେଇ ଅନୁମତି ଦେଇଥିବାରୁ ଏବେ ମହିଳା ସବ୍-ଇନ୍ସପେକ୍ଟରଙ୍କୁ ଏକ ନୋଟିସ ଜାରି କରାଯାଇଛି।
ଉଲ୍ଲେଖଯୋଗ୍ୟ, ଦର୍ଶନ ଏବଂ ତାଙ୍କ ପ୍ରେମିକା ପବିତ୍ରା, ରେଣୁକାସ୍ୱାମୀଙ୍କୁ ଅତି ନିର୍ମମ ଭାବେ ହତ୍ୟା କରିଥିବା ଅଭିଯୋଗ ହୋଇଛି। ଦୁହେଁ ରେଣୁକାଙ୍କୁ ସୁପାରୀ ଦେଇ ହତ୍ୟା କରିଥିଲେ। ହତ୍ୟାକାରୀମାନେ ତାଙ୍କ ସହ ଏପରି ବ୍ୟବହାର କରିଥିଲେ ଯେ ଯେଉଁମାନେ ତାଙ୍କୁ ଦେଖିଥିଲେ ସେମାନଙ୍କ ହୃଦୟ ଥରି ଉଠିଥିଲା। ରେଣୁକାଙ୍କୁ ବିଦ୍ୟୁତ୍ ଆଘାତ ଦିଆଯିବା ସହ ତାଙ୍କ ଗୁପ୍ତାଙ୍ଗକୁ ଆକ୍ରମଣ କରାଯାଇଥିଲା। ଏହା ସହ ତାଙ୍କ ମୁହଁକୁ କୁକୁର କାମୁଡ଼ିଥିଲା, ଯାହା ଦ୍ବାରା ସେ ଯନ୍ତ୍ରଣା ସହିନପାରି ମୃତ୍ୟୁବରଣ କରିଥିଲେ। ଏତେ ବଡ଼ ଜଘନ୍ୟ କାମ କରିବାର ଅଭିଯୋଗ ଲାଗିବା ପରେ ବି ପବିତ୍ରା ପଶ୍ଚାତାପ କରୁନଥିବା ଜଣାଯାଇଛି।