ପ୍ରଭାସଙ୍କ ସହ ଭଲପାଇବା ଥିବା ନେଇ ଇଶାରା ଦେଲେ ଅନୁଷ୍କା, ସୁଟିଂ ସେଟ୍ରେ ପହଞ୍ଚି କହିଲେ ଏହି କଥା
ମୁମ୍ବାଇ : କଥାରେ ଅଛି ପ୍ରେମକୁ ଯେତେ ଲୁଚାଇଲେ ମଧ୍ୟ ତାହା ଲୁଚି ରହି ନଥାଏ । ଏବେ ଏହି ଖବରଟି ଜଣା ପଡ଼ିବା ପରେ ଲୋକେ ଏହା କହିବା ଆରମ୍ଭ କରି ଦେଇଛନ୍ତି । ଖବରଟି ହେଉଛି ବାହୁବଲୀ ପ୍ରଭାସ ଏବଂ ତାଙ୍କ ଦେବ୍ସେନା ଅନୁଷ୍କା ସେଟ୍ଟୀଙ୍କ ବିଷୟରେ । ‘ବାହାବଲୀ-୨: ଦ କନୁକ୍ଲୁଜନ୍’ ୨୦୧୭ର ସବୁଠାରୁ ବଡ଼ ବ୍ଲକ୍ବଷ୍ଟର ସାବ୍ୟସ୍ତ ହେବା ପରେ ଅନୁଷ୍କା ଏବଂ ପ୍ରଭାସଙ୍କ ସଂପର୍କକୁ ନେଇ ଚର୍ଚ୍ଚା ଆରମ୍ଭ ହୋଇଥିଲା । ଦୁଇ ଜଣଙ୍କ ମଧ୍ୟରେ ପ୍ରେମ ସଂପର୍କ ଥିବା ସହ ଦୁଇ ଜଣ ଖୁବ୍ ଶୀଘ୍ର ବିବାହ କରିବାକୁ ଯାଉଛନ୍ତି ବୋଲି ଚର୍ଚ୍ଚା ହୋଇଥିଲା । କିଛି ଦିନ ଏହି ଚର୍ଚ୍ଚା ହେବା ପରେ ନିଜେ ଅନୁଷ୍କା ଏହି ଖବରକୁ ଗୁଜବ ବୋଲି କହି ସମସ୍ତଙ୍କ ମନକୁ ଭାଙ୍ଗି ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ପରଦା ଉପରେ ଦୁଇ ଜଣଙ୍କ ଯୋଡ଼ିକୁ ସମସ୍ତେ ପସନ୍ଦ କରିଥିବା ବେଳେ ଅସଲ ଜୀବନରେ ମଧ୍ୟ ଦୁଇ ଜଣ ସାଥୀରେ ରହନ୍ତୁ ବୋଲି ସେମାନଙ୍କ ପ୍ରଶଂସକମାନେ ଆଶା କରିଥିଲେ, ଯାହାକୁ ଭାଙ୍ଗି ଦେଇଥିଲେ ଅନୁଷ୍କା । ଅନୁଷ୍କାଙ୍କ ଏହି ସ୍ପଷ୍ଟୀକରଣ ପରେ ଦୁଇ ଜଣଙ୍କ ସଂପର୍କକୁ ନେଇ ହେଉଥିବା ଚର୍ଚ୍ଚା ଥମି ଯାଇଥିଲା । କିନ୍ତୁ କିଛି ଦିନର ବ୍ୟବଧାନ ପରେ ଏବେ ପୁଣି ଥରେ ଦୁଇ ଜଣଙ୍କ ସଂପର୍କକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଏହାର କାରଣ ହେଉଛନ୍ତି ଅନୁଷ୍କା ସେଟ୍ଟୀ । ପ୍ରକୃତ କଥା ହେଲା, ପ୍ରଭାସ ‘ଶାହୋ’ ଫିଲ୍ମର ସୁଟିଂ କରୁଥିବା ବେଳେ ସୁଟିଂ ସେଟ୍ରେ ପହଞ୍ଚିଥିଲେ ଅନୁଷ୍କା । ସେଠାରେ ପହଞ୍ଚି ପ୍ରଭାସଙ୍କୁ ସେ କିଛି ଏପରି କଥା କହିଥିଲେ, ଯାହାକୁ ଶୁଣିବା ପରେ ସେଠାରେ ଉପସ୍ଥିତ ଥିବା ଲୋକ ଆଶ୍ଚର୍ଯ୍ୟ ହୋଇ ଯାଇଥିଲେ । ଫଳରେ ଲିଭି ଯାଇଥିବା ନିଆଁରୁ ପୁଣି ଥରେ ଧୁଆଁ ବାହାରିବା ଆରମ୍ଭ ହୋଇଥିଲା ।
‘ଶାହୋ’ରେ ଥିବା ଷ୍ଟଣ୍ଟ ସିନ୍କୁ କରୁଥିବା ବେଳେ ଅନୁଷ୍କା ସେଠାରେ ପହଞ୍ଚିବା ସହ ପ୍ରଭାସଙ୍କୁ ନିଜର ଧ୍ୟାନ ରଖି ଷ୍ଟଣ୍ଟ କରିବା ପାଇଁ କହିଥିଲେ । ଦରକାର ପଡ଼ିଲେ ନିଜେ ନ କରି ଷ୍ଟଣ୍ଟମ୍ୟାନ୍ଙ୍କୁ ଷ୍ଟଣ୍ଟ କରିବା ପାଇଁ କହିବ ବୋଲି ସେ ପ୍ରଭାସଙ୍କୁ ବୁଝାଇଥିଲେ । ପ୍ରଭାସଙ୍କ ପ୍ରତି ଏତେ ଯତ୍ନବାନ ହେବା ଦେଖି ସେଠାରେ ଉପସ୍ଥିତ ଥିବା ଲୋକ ଦୁଇ ଜଣଙ୍କ ସଂପର୍କକୁ ନେଇ ପୁଣି ଭାବିବା ଆରମ୍ଭ କରିଥିଲେ । ତେବେ ଦୁଇ ଜଣଙ୍କ ମଧ୍ୟରେ ପ୍ରକୃତରେ କ’ଣ ରହିଛି ତା’ହା ଆଗାମୀ ଦିନରେ ହିଁ ଜଣା ପଡ଼ିବ ।