ସୋନାକ୍ଷୀଙ୍କ ସ୍ୟାଣ୍ଡେଲ୍ ଧରି ଯାଉଥିଲେ ସ୍ବାମୀ, ଭିଡିଓ ସୁଟ୍ କରି ଏପରି ଲେଖିଲେ ଅଭିନେତ୍ରୀ
ମୁମ୍ବାଇ: ନିକଟରେ ନିଜର ଦୀର୍ଘ ଦିନର ପ୍ରେମିକ ଜହିର ଇକ୍ବାଲଙ୍କୁ ବିବାହ କରିଛନ୍ତି ଅଭନେତ୍ରୀ ସୋନାକ୍ଷୀ ସିହ୍ନା। ସେମାନଙ୍କ ବିବାହକୁ ଅନେକ ଲୋକ ଟ୍ରୋଲ୍ କରୁଥିବା ବେଳେ ସେ ଦୁହେଁ କିନ୍ତୁ ନିଜ ନିଜ ପ୍ରେମରେ ମସ୍ଗୁଲ୍।
Sambad is now on WhatsApp
Join and get latest news updates delivered to you via WhatsApp
ନିକଟରେ ସେ ଦୁହିଁଙ୍କର ଏକ ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଛି। ଭିଡିଓରେ ଇକ୍ବାଲ୍ ସୋନାକ୍ଷୀଙ୍କ ସ୍ୟାଣ୍ଡେଲ୍ ଧରି ଯାଉଥିବାର ଦେଖିବାକୁ ମିଳିଛି।
ସୋନାକ୍ଷୀ ଏହି ଭିଡିଓର କ୍ୟାପ୍ସନ୍ରେ ଲେଖିଛନ୍ତି, ‘‘ଯେତେବେଳେ ତୁମେ ଏକ ସବୁଜ ପତାକାକୁ ବିବାହ କର।” ଆପଣ ଜାଣିଥିବେ ନିଶ୍ଚୟ ଯେ ସୋନାକ୍ଷୀ ଏବଂ ଜହିର ୭ ବର୍ଷ ଧରି ଡେଟିଂ କରୁଥିଲେ।
View this post on Instagram
ସେମାନେ ଗତ ସପ୍ତାହରେ ମୁମ୍ବାଇରେ ବିବାହ କରିଥିଲେ ଏବଂ ଏକ ଜବରଦସ୍ତ ରିସେପ୍ସନ୍ ଭୋଜି ମଧ୍ୟ ଦେଇଥିଲେ। ଦୁହେଁ ଶେଷରେ ଡବଲ୍ ଏକ୍ସଏଲ୍ ଚଳଚ୍ଚିତ୍ରରେ ଏକାଠି ହୋଇଥିଲେ।
ରିପୋର୍ଟ ଅନୁଯାୟୀ, ସୋନାକ୍ଷୀ ଏବଂ ଜହିର ଏକାଠି ଅନ୍ୟ ଏକ ୱେବ୍ ସିରିଜ୍ ପାଇଁ ସୁଟିଂ କରିଥିଲେ। ଲୋନାଭାଲାରେ ଏହି ସୋ’ର ସୁଟିଂ କରାଯାଇଥିଲା।
ଅଭିନେତ୍ରୀ ସୋନାକ୍ଷୀ ସିହ୍ନା ତାଙ୍କ ଜୀବନର ଏକ ନୂଆ ପର୍ଯ୍ୟାୟରେ ପାଦ ଦେଇସାରିଛନ୍ତି। ସେ ତାଙ୍କର ପ୍ରେମିକ ଜହିର ଇକବାଲଙ୍କୁ ଜୁନ୍ ୨୩ରେ ବିବାହ କରିଥିଲେ। ଦିନରେ ସୋନାକ୍ଷୀ କୋର୍ଟ ମ୍ୟାରେଜ୍ କରିଥିଲେ, ଯେଉଁଥିରେ କେବଳ ଘନିଷ୍ଠ ବନ୍ଧୁ ଏବଂ ପରିବାର ସଦସ୍ୟଙ୍କୁ ନିମନ୍ତ୍ରଣ କରାଯାଇଥିଲା। ଏହା ପରେ ରାତିରେ ନିଜର ବଲିଉଡ ସାଙ୍ଗମାନଙ୍କ ପାଇଁ ସେ ବଡ଼ ବିବାହ ଭୋଜିର ଆୟୋଜନ କରିଥିଲେ। ଦିନରେ ଧଳା ରଙ୍ଗର ଶାଢ଼ି ପିନ୍ଧିଥିବା ସୋନାକ୍ଷୀ ରାତିରେ ଲାଲ ରଙ୍ଗର ଶାଢ଼ି ପିନ୍ଧିଥିଲେ। ମଥାରେ ସିନ୍ଦୂର ଲଗାଇବା ସହ ଲାଲ ଶାଢ଼ିରେ ସେ ଖୁବ ସୁନ୍ଦର ଦିଶୁଥିଲେ।