ମହାରାଷ୍ଟ୍ରରେ ବିଜେପି ଖରାପ ପ୍ରଦର୍ଶନ କରିବାରୁ ଇସ୍ତଫା ଦେବାକୁ ଚାହୁଛନ୍ତି ଫଡନାବୀସ୍
ମୁମ୍ବାଇ: ଗତକାଲି ଲୋକସଭା ନିର୍ବାଚନର ଫଳାଫଳ ବାହାରିିଥିବା ବେଳେ ଆଶ୍ଚର୍ଯ୍ୟଜନକଭାବେ ମହାରାଷ୍ଟ୍ରରେ ବିଜେପି ଖରାପ ପ୍ରଦର୍ଶନ କରିଛି। ଫଳାଫଳ ପରେ ପରାଜୟର ଦାୟିତ୍ବ ନେଇଛନ୍ତି ଦେବେନ୍ଦ୍ର ଫଡନାବୀସ୍। ଏହା ସହ ଉପମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବାକୁ ସେ ପ୍ରସ୍ତାବ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ ଏକ ବିବୃତି ଜାରି କରି କହିଛନ୍ତି ଯେ, ମହାରାଷ୍ଟ୍ରରେ ବିଜେପି ଯେଉଁ ପରାଜୟର ସମ୍ମୁଖୀନ ହୋଇଛି ସେଥିପାଇଁ ମୁଁ ସମ୍ପୂର୍ଣ୍ଣ ଦାୟିତ୍ବ ଗ୍ରହଣ କରୁଛି। କାରଣ ମୁଁ ଦଳର ନେତୃତ୍ୱ ନେଉଥିଲି। ବିଧାନସଭା ନିର୍ବାଚନ ପାଇଁ ମୁଁ ରାଜ୍ୟର ଭାରତୀୟ ଜନତା ପାର୍ଟିକୁ ପୂର୍ଣ୍ଣ ସମୟ ଦେବାକୁ ଚାହୁଁଛି। ମୋତେ ସରକାରଙ୍କ ଦାୟିତ୍ୱରୁ ମୁକ୍ତ କରିବାକୁ ମୁଁ ବିଜେପି ହାଇକମାଣ୍ଡକୁ ଅନୁରୋଧ କରୁଛି ଯାହା ଦ୍ବାରା ମୁଁ ଆଗାମୀ ନିର୍ବାଚନରେ ଦଳ ପାଇଁ କଠିନ ପରିଶ୍ରମ କରିପାରିବି।
ଉଲ୍ଲେଖଯୋଗ୍ୟ, ମହାରାଷ୍ଟ୍ରରେ ବିଜେପି କେବଳ ୯ଟି ଲୋକସଭା ଆସନ ଜିତିପାରିଛି। ଯେତେବେଳେ କି ଏହାର ସହଯୋଗୀ ଭାଗିଦାରୀ ଶିବସେନା (ଏକନାଥ ସିନ୍ଦେ) ଏବଂ ଏନସିପି (ଅଜିତ ପାୱାର) ଯଥାକ୍ରମେ ୭ଏବଂ ୧ ସିଟ୍ ଜିତିପାରିଛନ୍ତି। ରାଜ୍ୟର ୪୮ଟି ସିଟ୍ ମଧ୍ୟରୁ ଏନଡିଏ ମାତ୍ର ୧୭ଟି ସିଟ୍ ପାଇଥିବା ବେଳେ ଇଣ୍ଡିଆ ବ୍ଲକ୍ ୩୦ଟି ସିଟ୍ ଜିତିଛି।