୪ବର୍ଷ ପରେ ଅଷ୍ଟ୍ରେଲିଆରୁ ଘରକୁ ଫେରୁଥିଲେ ମନପ୍ରୀତ୍, ବିମାନରେ ବସୁ ବସୁ ଚାଲିଗଲା ଜୀବନ
ମେଲବର୍ଣ୍ଣ: ୪ବର୍ଷ ପରେ ଅଷ୍ଟ୍ରେଲିଆରୁ ଘରକୁ ଫେରୁଥିଲେ ମନପ୍ରୀତ୍ କୌର୍(୨୪)। ବିମାନରେ ବସୁ ବସୁ ଚାଲିଗଲା ଜୀବନ। ପାଠ ପଢ଼ିବା ପାଇଁ ୪ବର୍ଷ ତଳେ ମନପ୍ରୀତ୍ ଅଷ୍ଟ୍ରେଲିଆ ଯାଇଥିଲେ। ସେବେଠାରୁ ସେ ପଞ୍ଜାବରେ ଥିବା ଘରକୁ ଆସିନଥିବାରୁ ଜୁନ୍ ୨୦ରେ ଘରକୁ ଆସିବାକୁ ଯୋଜନା କରିଥିଲେ। ହେଲେ ଶେଷ ଥର ପାଇଁ ବି ସେ ନିଜ ଘର ଲୋକଙ୍କୁ ଭେଟିପାରିନଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ମନପ୍ରୀତ୍ କୌରଙ୍କ ସହ ଯାତ୍ରା କରୁଥିବା ତାଙ୍କ ବନ୍ଧୁ ଗୁରୁଦୀପ ଗ୍ରେୱାଲ କହିଛନ୍ତି ଯେ, ଜୁନ ୨୦ରେ ଘରୁ ବିମାନବନ୍ଦରକୁ ବାହାରିବା ବେଳେ ମନପ୍ରୀତଙ୍କ ସ୍ବାସ୍ଥ୍ୟାବସ୍ଥା ବିଗିଡ଼ିଥିଲା। ତଥାପି ସେ ଯାତ୍ରାକୁ ବାତିଲ ନକରି ବିମାନବନ୍ଦରରେ ପହଞ୍ଚିଥିଲେ। ଯେତେବେଳେ ଆମେ ବିମାନରେ ଚଢ଼ିଥିଲୁ ସେତେବେଳେ ତାଙ୍କୁ ଅସହଜ ଅନୁଭବ ହୋଇଥିଲା। ସିଟରେ ବସିବା ପରେ ଭଲ ଲାଗିବ ଭାବି ମୁଁ ତାଙ୍କୁ ସିଟରେ ବସିବାକୁ କହିଥିଲି। ସିଟରେ ବସି ସେ ବେଲ୍ଟ ଲଗାଇବା ସମୟରେ ତଳେ ଅଚେତ ହୋଇ ପଡ଼ିଯାଇଥିଲେ। ତୁରନ୍ତ ତାଙ୍କୁ କ୍ରୁ ସଦସ୍ୟ ଚିିକିତ୍ସା ଦେବାକୁ ଚେଷ୍ଟା କରିଥିଲେ ବି ତାଙ୍କର ମୃତ୍ୟୁ ହୋଇଥିଲା। ପୂର୍ବରୁ ସେ ଟ୍ୟୁବରକୁଲୋସିସ୍ ରୋଗରେ ପୀଡ଼ିତ ଥିଲେ। ଏଥିପାଇଁ ତାଙ୍କର ଅନେକ ସମସ୍ୟା ରହୁଥିଲା। ହେଲେ ଏଭଳି ହଠାତ୍ ତାଙ୍କର ଦେହାନ୍ତ ହେବ ବୋଲି ମୁଁ ଭାବିନଥିଲି।