ମୁଁ ବହୁତ ଖୁସି, ହେମନ୍ତଙ୍କୁ ଜାମିନ ମିଳିବା ପରେ ଏଭଳି କହିଲେ ମମତା
କୋଲକାତା: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ (ଟିଏମସି) ମୁଖ୍ୟ ମମତା ବାନାର୍ଜୀ ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଜାମିନ ମିଳିବା ପରେ ଖୁସି ବ୍ୟକ୍ତ କରିଛନ୍ତି। ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ମମତା ବାନାର୍ଜୀ ଏହି ନିଷ୍ପତ୍ତିକୁ ସ୍ୱାଗତ କରିଛନ୍ତି | ମମତା ବାନାର୍ଜୀ ଟ୍ୱିଟରରେ ଲେଖିଛନ୍ତି, “ଜଣେ ଗୁରୁତ୍ୱପୂର୍ଣ୍ଣ ଆଦିବାସୀ ନେତା ତଥା ଝାଡଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଏକ ମାମଲା ହେତୁ ଇସ୍ତଫା ଦେବାକୁ ପଡିଥିଲା, କିନ୍ତୁ ଆଜି ତାଙ୍କୁ ମାନ୍ୟବର ହାଇକୋର୍ଟରୁ ଜାମିନ ମିଳିଛି। ଏହି ବଡ ଘଟଣାରେ ମୁଁ ବହୁତ ଖୁସି ଏବଂ ମୁଁ ନିଶ୍ଚିତ ଯେ ସେ ତୁରନ୍ତ ତାଙ୍କର ସାର୍ବଜନୀନ କାର୍ଯ୍ୟକଳାପ ଆରମ୍ଭ କରିବେ, ହେମନ୍ତ, ଆପଣଙ୍କୁ ଆମ ମଧ୍ୟରେ ସ୍ୱାଗତ କରୁଛୁ । ବାସ୍ତବରେ ଜୁନ୍ ୧୩ ରେ ସୋରେନଙ୍କ ଜାମିନ ଆବେଦନ ଉପରେ କୋର୍ଟ ନିଷ୍ପତ୍ତି ସଂରକ୍ଷିତ ରଖିଥିଲେ।
Sambad is now on WhatsApp
Join and get latest news updates delivered to you via WhatsApp
କୋର୍ଟ ଶୁଣାଣି ସମୟରେ କହିଛନ୍ତି ଯେ ସେ ଦୋଷୀ ନୁହଁନ୍ତି ଏବଂ ଜାମିନରେ ମୁକ୍ତ ହେଲେ ଆବେଦନକାରୀ କୌଣସି ଅପରାଧ କରିବାର ସମ୍ଭାବନା ନାହିଁ। ସୋରେନଙ୍କ ବରିଷ୍ଠ ଓକିଲ ଅରୁଣାଭ ଚୌଧୁରୀ କହିଛନ୍ତି ଯେ ସୋରେନଙ୍କୁ ଜାମିନ ପ୍ରଦାନ କରାଯାଇଛି। ଆଜି କୋର୍ଟଙ୍କ ଆଦେଶର କପି ପଠାଯିବ, ଯାହା ପରେ ସେ ଆସନ୍ତାକାଲି ଅର୍ଥାତ୍ ଶନିବାର ଦିନ ବାହାରକୁ ଆସିପାରିବେ | ସୂଚନା ଥାଉ କି ଯେ, ମନିଲଣ୍ଡରିଂ ମାମଲାରେ ଚଳିତ ବର୍ଷ ଜାନୁଆରୀ ୩୧ ରେ ଝାଡ଼ଖଣ୍ଡ ମୁକ୍ତି ମୋର୍ଚ୍ଚା (ଜେଏମଏମ) କାର୍ଯ୍ୟକାରି ସଭାପତି ଏବଂ ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଗିରଫ କରାଯାଇଥିଲା। ସୋରେନ ବର୍ତ୍ତମାନ ବିର୍ସା ମୁଣ୍ଡା ଜେଲରେ ଅଛନ୍ତି। ଶୁଣାଣି ସମୟରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟର ଓକିଲ ଏସ.ଭି ରାଜୁ ଯୁକ୍ତି କରିଥିଲେ ଯେ ଯଦି ସୋରେନଙ୍କୁ ଜାମିନରେ ଛାଡି ଦିଆଯାଏ ତେବେ ସେ ପୁନର୍ବାର ସମାନ ଅପରାଧ କରିବେ, କିନ୍ତୁ କୋର୍ଟ ଏହାକୁ ଖାରଜ କରିଥିଲେ ।