ମସ୍କୋ: ବରଫ ଗଦାରୁ ମିଳିଲା ୧୮ ହଜାର ବର୍ଷ ତଳର ଜୀବର ଦେହାବଶେଷ | ବଡ କଥା ଏହି ଦେହାବଶେଷ ଏକଦମ ସଂରକ୍ଷିତ ହୋଇରହିଛି | ଏହାର କୌଣସି ବି ଅଙ୍ଗପ୍ରତ୍ୟଙ୍ଗ କ୍ଷତିଗ୍ରସ୍ତ ହୋଇନଥିବାବେଳେ ଏହାକୁ ଦେଖି ଖୋଦ ବୈଜ୍ଞାନିକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ | ମିଳିଥିବା ସୂଚନା ମୁତାବକ ଋଷର ଯାକୁସଚକରେ ବରଫ ଗଦା ସଫେଇ ଅଭିଯାନ ଚାଲିଥିଲା | ଏହି ସମୟରେ ବରଫ ଗଦାରୁ ଗୋଟିଏ ଜୀବର ଶରୀର ଉଦ୍ଧାର କରାଯାଇଥିଲା |
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
![](https://sambad.in/wp-content/uploads/2019/11/st4-257x300.jpg)
ଋଷ ବୈଜ୍ଞାନିକ ଏହି ଜୀବର ଶରୀରକୁ କାର୍ବନ ଡେଟିଂ ଟେଷ୍ଟ କରାଯାଇଥିଲା | ଏଥିରୁ ଜଣାପଡିଥିଲା ଯେ ପାଖାପାଖି ୧୮ ହଜାର ବର୍ଷ ତଳୁ ଏହି ଜୀବଟି ବରଫ ଗଦା ଭିତରେ ଦାବି ରହିଯାଇଥିଲା |
ତେବେ ବର୍ତ୍ତମାନ ଯାଏଁ ଏହା କୁକୁରର ଛୁଆ ନା ଗଧିଆର ଛୁଆ ତାହା ସ୍ପଷ୍ଟ ହୋଇ ପାରିନାହିଁ | ଋଷ ବୈଜ୍ଞାନିକଙ୍କ ସହ ସ୍ୱିଡ଼େନ ବୈଜ୍ଞାନିକଙ୍କ କହିବା ମୁତାବକ ପରମାଫରୋଷ୍ଟ କାରଣରୁ ଏହି ଦେହାବଶେଷ ଏତେ ସମୟ ଯାଏଁ ସୁରକ୍ଷିତ ରହିପାରିଛି | ଯେତେବେଳେ କୌଣସି ଜୀବଜନ୍ତୁ ଦୁଇ ବର୍ଷରୁ ଅଧିକ ସମୟ ଧରି ଶୂନ୍ୟ ତାପମାତ୍ରାରେ ରହିଥାଏ ତାହାକୁ ପରମାଫରୋଷ୍ଟ କୁହାଯାଇଥାଏ |