ବିବାହ ପାଇଁ ନପହଞ୍ଚିବାରୁ ପ୍ରେମିକର ଏ ଅବସ୍ଥା କଲା ପ୍ରେମିକା
ପାଟନା: ବିବାହ ପାଇଁ ନପହଞ୍ଚିବାରୁ ପ୍ରେମିକର ଗୁପ୍ତାଙ୍ଗ କାଟିଲା ପ୍ରେମିକା। ସୋମବାର ବିହାରର ସରନ ଜିଲ୍ଲାରେ ଘଟିଛି ଏଭଳି ଘଟଣା। ପୀଡ଼ିତ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି ହୋଇଥିବା ବେଳେ ଏବେ ପୁଲିସ ଅଭିଯୁକ୍ତ ପ୍ରେମିକାଙ୍କୁ ଗିରଫ କରିଥିବା ଜଣାପଡ଼ିିଛି। ଅଭିଯୁକ୍ତ ପେସାରେ ଜଣେ ଡାକ୍ତର ହୋଇଥିବା ବେଳେ ପୀଡ଼ିତ ଜଣେ କାଉନସିଲର ଭାବେ କାମ କରୁଥିଲେ।
Sambad is now on WhatsApp
Join and get latest news updates delivered to you via WhatsApp
ଅଭିଯୁକ୍ତ ଗିରଫ ପରେ ଦାବି କରିଛନ୍ତି ଯେ, ପୀଡ଼ିତଙ୍କ ସହିତ ତାଙ୍କର ୫ବର୍ଷର ପ୍ରେମ ସମ୍ପର୍କ ଥିଲା। ୫ବର୍ଷ ରହିବା ପରେ ବି ବିବାହ ପାଇଁ ରାଜି ହେଉନଥିଲେ ପୀଡ଼ିତ। ବହୁତ କଷ୍ଟରେ ଅଭିଯୁକ୍ତ ତାଙ୍କ ପ୍ରେମିକକୁ କୋର୍ଟ ମ୍ୟାରେଜ ପାଇଁ ରାଜି କରାଇଥିଲେ। ହେଲେ ରାଜି ହେବା ପରେ ବି ପହଞ୍ଚିନଥିଲେ ପୀଡ଼ିତ। ଏଥିରେ ରାଗିଯାଇ ଅଭିଯୁକ୍ତ ପ୍ରେମିକଙ୍କୁ ଘରକୁ ଡାକି ତାଙ୍କ ଗୁପ୍ତାଙ୍ଗ କାଟି ଦେଇଥିଲେ ବୋଲି ଜଣାପଡ଼ିଛି। ପୀଡ଼ିତ ଜୋରରେ ଚିତ୍କାର କରିବାରୁ ଅଭିଯୁକ୍ତଙ୍କ ପଡୋଶୀ ପୁଲିସକୁ ସୂଚନା ଦେଇଥିଲେ। ପୁଲିସ ପହଞ୍ଚିବା ପରେ ପୀଡ଼ିତ ରକ୍ତାକ୍ତ ଅବସ୍ଥାରେ ତଳେ ପଡ଼ିଥିବା ଦେଖି ତାଙ୍କୁ ତୁରନ୍ତ ଡାକ୍ତରଖାନା ପଠାଇଥିଲା। ଏବେ ତାଙ୍କର ଚିକିତ୍ସା ଚାଲିଥିବା ବେଳେ ଅଭିଯୁକ୍ତ ପ୍ରେମିକାକୁ ଗିରଫ କରିଛି ପୁଲିସ।