ମୁମ୍ବାଇ: ବଲିଉଡ ବିଷୟରେ ଆଲୋଚନା ବେଳେ ରେଖା ଏବଂ ଅମିତାଭ ବଚ୍ଚନ ଏହି ଦୁଇଜଣଙ୍କ ନାମ ଆସିବା ସ୍ବାଭାବିକ। ସେମାନଙ୍କର ମହାନ ଅନସ୍କ୍ରିନ କେମେଷ୍ଟ୍ରି ଏବଂ ସେମାନଙ୍କ ସମ୍ପର୍କ ବିଷୟରେ ବ୍ୟାପକ କଳ୍ପନାଜଳ୍ପନା ସତ୍ତ୍ବେ ଦୁହେଁ ନୀରବତା ବଜାୟ ରଖିଥିଲେ। ନା ସେମାନେ ଗୁଜବକୁ ଅସ୍ୱୀକାର କଲେ ଅବା ଏହାକୁ ନେଇ ମୁହଁ ଖୋଲିଲେ।
Sambad is now on WhatsApp
Join and get latest news updates delivered to you via WhatsApp
ତଥାପି, ସେମାନଙ୍କର ସମ୍ପର୍କ ଏବେ ମଧ୍ୟ ଲୋକଙ୍କୁ ଆକର୍ଷିତ କରିଥାଏ ଏବଂ ଦୁହେଁ ବଲିଉଡ ଲୋକକଥାର ଏକ ଅବିଚ୍ଛେଦ୍ୟ ଅଙ୍ଗ ହୋଇପାରିଛନ୍ତି। ସେମାନଙ୍କ ସହ ଜଡିତ ଅସଂଖ୍ୟ କାହାଣୀ ମଧ୍ୟରେ ଜୟା ବଚ୍ଚନଙ୍କ ସହ ଜଡିତ ଗୋଟିଏ କାହାଣୀ ସମ୍ପୂର୍ଣ୍ଣ ଭିନ୍ନ। ଯାହାକି ତାଙ୍କର କିଛି ଶବ୍ଦ। ଯାହା କିପରି ରେଖା ଏବଂ ଅମିତାଭ ବଚ୍ଚନଙ୍କ ଅଲଗା ହେବାର କାରଣ ସାଜିଥିଲା।
କିଛି ଗଣମାଧ୍ୟମ ରିପୋର୍ଟ ଅନୁଯାୟୀ, ଥରେ ଜୟା ବଚ୍ଚନ ରେଖାଙ୍କୁ ତାଙ୍କ ଘରକୁ ରାତ୍ରୀ ଭୋଜନ ପାଇଁ ନିମନ୍ତ୍ରଣ କରିଥିଲେ। ସେଦିନ ଅମିତାଭ ବଚ୍ଚନ ସହର ବାହାରେ ଥିଲେ। ରେଖା ବହୁତ ଭୟଭୀତ ଓ ବିବ୍ରତ ଥିଲେ। କିନ୍ତୁ ଜୟା ବଚ୍ଚନଙ୍କ ନିମନ୍ତ୍ରଣକୁ ପ୍ରତ୍ୟାଖ୍ୟାନ କରିପାରି ନ ଥିଲେ। ସେ ରାତ୍ରୀ ଭୋଜନ ପାଇଁ ଜୟା ବଚ୍ଚନଙ୍କ ଘରେ ପହଞ୍ଚିଥିଲେ। ତାଙ୍କ ଆଶା ବାହାରେ, ଜୟା ବଚ୍ଚନ ତାଙ୍କୁ ଅତି ସରଳ ପରିବେଶରେ ସ୍ୱାଗତ କରିଥିଲେ ଏବଂ ତାଙ୍କ ସହ ରାତ୍ରୀ ଭୋଜନ କରିଥିଲେ। ରେଖା ଆଶ୍ଚର୍ଯ୍ୟ ହୋଇଗଲେ ଯେ ଜୟା ବଚ୍ଚନ ଅମିତାଭ ବଚ୍ଚନଙ୍କ ବିଷୟରେ ଆଦୌ କଥାବାର୍ତ୍ତା କରୁନାହାନ୍ତି।
ରାତ୍ରୀ ଭୋଜନରେ ଜୟା ଏବଂ ରେଖା ଅମିତାଭଙ୍କ ବିଷୟରେ କୌଣସି କଥା ନ ହୋଇ ଏକ ମନୋରମ ବାର୍ତ୍ତାଳାପ କରିଥିଲେ। ରେଖା ଏବଂ ଜୟା ବଚ୍ଚନ ଚୁପଚାପ୍ ଡାଇନିଂ ଟେବୁଲରେ ବସି ଖାଇବା ଜାରି ରଖିଥିଲେ। ଦୁହିଁଙ୍କ ମଧ୍ୟରେ ବହୁତ ଭଲ ବାର୍ତ୍ତାଳାପ ହେଉଥିଲା । ଏହି କାରଣରୁ ଜୟା ବଚ୍ଚନ ଅମିତାଭ ବଚ୍ଚନଙ୍କ ସହ ଜଡିତ ଗୋଟିଏ ବି କଥା କହି ନ ଥିଲେ।
ଭୋଜନ ସରିବା ପରେ ଜୟା ବଚ୍ଚନ ରେଖାଙ୍କୁ ଫାଟକ ନିକଟକୁ ବିଦାୟ ଦେବାକୁ ଆସିଥିଲେ। ଯେତେବେଳେ ରେଖା ଚାଲିଯିବା ଆରମ୍ଭ କଲେ, ଜୟା ବଚ୍ଚନ ଗୋଟିଏ କଥା କହିଥିଲେ, ଯାହା ବି ହୋଇଯାଉ, ମୁଁ ଅମିତଙ୍କୁ ଛାଡିବି ନାହିଁ। ଏହି ଶବ୍ଦଗୁଡିକ ରେଖାଙ୍କୁ ଚକିତ କରି ଦେଇଥିଲା ଯେ ଜୟା ସବୁକିଛି ଜାଣିଥିଲେ ମଧ୍ୟ କିଛି ପ୍ରକାଶ କଲେ ନାହିଁ। ଜୟାଙ୍କ ସଂକଳ୍ପର ଗଭୀରତାକୁ ହୃଦୟଙ୍ଗମ କରି ରେଖା ନିଷ୍ପତ୍ତି ନେଇଥିଲେ ଯେ ଏବେ ପଛକୁ ଫେରିବାର ସମୟ ଆସିଛି।
ଏହି ସଂକ୍ଷିପ୍ତ କିନ୍ତୁ ଶକ୍ତିଶାଳୀ ୫ଟି ଶବ୍ଦର ଏକ ଭାବର ଆଦାନପ୍ରଦାନ ସ୍ଥାୟୀ ଭାବନା ସୃଷ୍ଟି କଲା, ଯାହା ସେମାନଙ୍କ କଥିତ ସମ୍ପର୍କରେ ଏକ ମୋଡ଼ ବଦଳାଇଥିଲା। ଏହି କାହାଣୀଟି ବଲିଉଡର ଅନ୍ୟତମ ଆକର୍ଷଣୀୟ କାହାଣୀ, ଯାହାକି କହିଥାଏ କିପରି କିଛି ଶବ୍ଦ ବ୍ୟକ୍ତିଗତ ସମ୍ପର୍କର ଗତି ପଥକୁ ବଦଳାଇପାରେ।