ମଦ୍ୟପାନ-ସିଗାରେଟ୍ ବିନା ବଞ୍ଚିବା ଅସମ୍ଭବ: ଅଷ୍ଟ୍ରେଲିଆର ପୂର୍ବତନ ଉପ-ପ୍ରଧାନମନ୍ତ୍ରୀ ବଖାଣିଲେ ଦୁଃଖ
ସିଡନି: ଅଷ୍ଟ୍ରେଲିଆର ପୂର୍ବତନ ଉପ ପ୍ରଧାନମନ୍ତ୍ରୀ ବର୍ଣ୍ଣାବି ଜୋଏସ୍ ମଦ୍ୟପାନ ଏବଂ ସିଗାରେଟ୍ ବିଷୟରେ ଏକ ବଡ଼ ଖୁଲାସା କରିଛନ୍ତି। ସେ କହିଛନ୍ତି ଯେ ମଦ୍ୟପାନ ଏବଂ ସିଗାରେଟ୍ ଛାଡିବା ପରେ ସେ ତାଙ୍କ ଜୀବନ ପ୍ରତି ବିରକ୍ତ ହୋଇ ଯାଇଛନ୍ତି। ମଦ୍ୟପାନ – ସିଗାରେଟ୍ ବିନା ବଞ୍ଚିବା ଅସମ୍ଭବ। ଚଳିତ ବର୍ଷ ଆରମ୍ଭରେ, ତାଙ୍କର ଏକ ଭିଡିଓ ସାମ୍ନାକୁ ଆସିଥିଲା ଯେଉଁଥିରେ ସେ ମଦ୍ୟପାନ ଅବସ୍ଥାରେ ଫୁଟପାଥରେ ପଡ଼ିଥିଲେ। ଏହା ପରେ ସେ ମଦ୍ୟପାନ ଏବଂ ସିଗାରେଟରୁ ନିବୃତ୍ତ ହୋଇଥିଲେ।
Sambad is now on WhatsApp
Join and get latest news updates delivered to you via WhatsApp
ଏକ ସାକ୍ଷାତକାରରେ ପୂର୍ବତନ ଉପ-ପ୍ରଧାନମନ୍ତ୍ରୀ କହିଛନ୍ତି ବର୍ତ୍ତମାନ ତାଙ୍କୁ ପାର୍ଟିରେ ଲୋକଙ୍କ ନିରର୍ଥକ କଥା ଶୁଣିବାକୁ ପଡୁଛି। ଏହି କାରଣରୁ ତାଙ୍କ ଜୀବନ ଅତ୍ୟନ୍ତ ବିରକ୍ତିକର ହୋଇ ଯାଇଛି। ବର୍ତ୍ତମାନ ମୁଁ ପାର୍ଟିରେ ଯୋଗଦେଉଛି କିନ୍ତୁ ଚୁପ୍ ରହୁଛି। ଯେତେବେଳେ ମୋତେ ଅପମାନିତ କରାଗଲା, ମୁଁ ମଦ୍ୟପାନ ଏବଂ ସିଗାରେଟ୍ ତ୍ୟାଗ କରିବାକୁ ନିଷ୍ପତ୍ତି ନେଇଥିଲି।
ଜୋଏସ୍ ବର୍ତ୍ତମାନ କଞ୍ଜରଭେଟିବକ ପାର୍ଟିର ସାଂସଦ ଅଛନ୍ତି। ସେ କହିଛନ୍ତି ମୁଁ ଦଳୀୟ ସଦସ୍ୟଙ୍କ ନିର୍ବୋଧତାକୁ ଆଦୌ ଶୁଣିବାକୁ ପସନ୍ଦ କରେ ନାହିଁ। ଏହି ପୁରା ଘଟଣା ମୋ ପାଇଁ ଏକ ଦୁଃସ୍ୱପ୍ନ ପରି। ଯେତେବେଳେ ତାଙ୍କୁ ସାକ୍ଷାତକାରରେ ପଚରାଗଲା ଯେ ସେ ମଦ୍ୟପାନକୁ ସମ୍ପୂର୍ଣ୍ଣ ତ୍ୟାଗ କରିଛନ୍ତି କି ନାହିଁ, ସେ କହିଥିଲେ ମୁଁ ଏହା କହୁ ନାହିଁ। ଜୋଏସ୍ ତାଙ୍କର ବେପରୁଆ ଏବଂ ବିଳାସପୂର୍ଣ୍ଣ ଜୀବନ ପାଇଁ ଜଣାଶୁଣା ।
ଅଷ୍ଟ୍ରେଲିଆର ପୂର୍ବତନ ଉପ-ପ୍ରଧାନମନ୍ତ୍ରୀ ବର୍ଣ୍ଣାବି ଜୋଏସ୍ ସବୁବେଳେ ବିବାଦର ଘେରି ରହିଥାନ୍ତି। ୨୦୧୮ରେ ଯେତେବେଳେ ସେ ଜଣେ ପୂର୍ବତନ କର୍ମଚାରୀଙ୍କ ସହ ଅନୈ ତିକ ସମ୍ପର୍କ ରଖିଥିଲେ ସେତେବେଳେ ସେ ବିବାଦ ଭିତରକୁ ଆସିଥିଲେ। ଏହି ସମୟ ମଧ୍ୟରେ ସମ୍ପୃକ୍ତ କର୍ମଚାରୀ ଗର୍ଭବତୀ ହୋଇଥିଲେ। ଏହା ପରେ ସରକାର ତାଙ୍କ ଉପରେ ପ୍ରତିବନ୍ଧକ ଲଗାଇଥିଲେ। ୨୦୧୫ ରେ ସେ ମଧ୍ୟ ବିବାଦ ଭିତରକୁ ଆସିଥିଲେ ଯେତେବେଳେ ସେ ଜନି ଡେପ ଏବଂ ଅମ୍ବର ହେର୍ଡଙ୍କ ସହ ପ୍ରୋଟୋକଲ ଅନୁସରଣ ନକରି ସେମାନଙ୍କ ପୋଷା କୁକୁରମାନଙ୍କୁ ଅଷ୍ଟ୍ରେଲିଆକୁ ଆଣିଥିଲେ।