ଫଳାଫଳ ପରେ ପ୍ରଧାନମନ୍ତ୍ରୀ ପ୍ରାର୍ଥୀ ଘୋଷଣା କରିବ ଇଣ୍ଡି ମେଣ୍ଟ : ସଂଜୟ ରାଉତ
ଶିବସେନା : ଉଦ୍ଧବ ବାଲାସାହେବ ଠାକରେ (ୟୁବିଟି) ନେତା ସଞ୍ଜୟ ରାଉତ ଦାବି କରିଛନ୍ତି ଯେ ଲୋକସଭା ନିର୍ବାଚନ ଫଳାଫଳର ୨୪ ଘଣ୍ଟା ମଧ୍ୟରେ ଇଣ୍ଡି ମେଣ୍ଟ ତା’ର ପ୍ରଧାନମନ୍ତ୍ରୀ ପ୍ରାର୍ଥୀଙ୍କ ନାମ ଘୋଷଣା କରିବ।
Sambad is now on WhatsApp
Join and get latest news updates delivered to you via WhatsApp
ଯେତେବେଳେ ରାଉତଙ୍କୁ ପଚରାଯାଇଥିଲା ଯେ ଇଣ୍ଡି ମେଣ୍ଟର ପ୍ରଧାନମନ୍ତ୍ରୀ ପ୍ରାର୍ଥୀ କିଏ ହେବ, ଯେଉଁଥିରେ ଶିବସେନା-ୟୁବିଟି ମଧ୍ୟ ସାମିଲ ଅଛି? ଏହା ଉପରେ ସେ କହିଛନ୍ତି ଯେ ଇଣ୍ଡି ମେଣ୍ଟର ସମସ୍ତ ନେତା ପ୍ରଥମେ ଦିଲ୍ଲୀରେ ବୈଠକ କରିବେ ଏବଂ ତା’ପରେ ସେଠାରୁ ଘୋଷଣା କରାଯିବ । ବିରୋଧୀ ଦଳର ଅଭିଯୋଗକୁ ନିର୍ବାଚନ ଆୟୋଗ ଅଣଦେଖା କରୁଥିବା ଅଭିଯୋଗ ଉପରେ ଶ୍ରୀ ରାଉତ କହିଛନ୍ତି, ଆମେ ନିର୍ବାଚନ କମିଶନଙ୍କୁ ୧୭ଟି ଅଭିଯୋଗ ପତ୍ର ଲେଖିଛୁ। କିନ୍ତୁ ଆମେ ସେମାନଙ୍କୁ କୌଣସି ପ୍ରତିକ୍ରିୟା ପାଇନାହୁଁ । କନ୍ୟାକୁମାରୀରେ ଧ୍ୟାନ କରୁଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସମାଲୋଚନା କରି ସେ କହିଛନ୍ତି ଯେ ନିର୍ବାଚନ ଆୟୋଗ ମଧ୍ୟ ପ୍ରଧାନମନ୍ତ୍ରୀଙ୍କ ପରି ଧ୍ୟାନ କରୁଛନ୍ତି।
ସୂଚନାଯୋଗ୍ୟ ଯେ, ଜୁନ୍ ୪ ତାରିଖ ସକାଳ ୮ଟାରୁ ଭୋଟ ଗଣତି ଆରମ୍ଭ ହେବ। ଏହା ପୂର୍ବରୁ ପ୍ରକାଶିତ ବିଭିନ୍ନ ଏଜେନ୍ସିଙ୍କ ଏକଜିଟ ପୋଲରେ ବିଜେପି ନେତୃତ୍ବାଧୀନ ଏନଡିଏକୁ ୩୫୦ରୁ ଅଧିକ ଆସନ ଦିଆଯାଇଥିଲା ।