ଅଯୋଧ୍ୟାରେ ବିଜେପିକୁ ହରାଇ ଭାଗବାନ ରାମ ନ୍ୟାୟ କରିଛନ୍ତି : ସଂଜୟ ସିଂ
ନୂଆଦିଲ୍ଲୀ: ଆମ୍ ଆଦମୀ ପାର୍ଟିର ରାଜ୍ୟସଭା ସାଂସଦ ସଞ୍ଜୟ ସିଂହ ରବିବାର (ଜୁନ୍ ୩୦) ଏକ ସାମ୍ବାଦିକ ସମ୍ମିଳନୀ କରି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଗିରଫଦାରୀ ଏବଂ ଅନ୍ୟାନ୍ୟ ପ୍ରସଙ୍ଗରେ ବିଜେପିକୁ ଟାର୍ଗେଟ କରିଥିଲେ। ସେ କହିଛନ୍ତି ଯେ କେନ୍ଦ୍ର ସରକାରଙ୍କ ତଦନ୍ତକାରୀ ଏଜେନ୍ସିମାନେ ଦେଶର ସର୍ବୋଚ୍ଚ ଅଦାଲତଙ୍କୁ ବିଭ୍ରାନ୍ତ କରୁଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆପ୍ ସାଂସଦ ସଞ୍ଜୟ ସିଂହ କହିଛନ୍ତି, ମନୀଷ ସିସୋଦିଆଙ୍କ ମାମଲାରେ ଯେତେବେଳେ ସୁପ୍ରିମ୍ କୋର୍ଟ ଇଡିକୁ ପଚାରିଥିଲେ ଯେ ଦେଢ଼ ବର୍ଷ ବିତିଗଲାଣି, ତଦନ୍ତ କେତେଦିନ ଚାଲିବ? ସେତେବେଳେ ଇଡି କହିଥିଲା ଯେ ୬ ମାସ ମଧ୍ୟରେ ଚାର୍ଜସିଟ୍ ଦାଖଲ କରାଯିବ। କିନ୍ତୁ ସେହି ସମୟ ମଧ୍ୟ ବିତିଗଲାଣି, ତଦନ୍ତ ଜାରି ରହିଛି, ଚାର୍ଜସିଟ୍ ଠାରୁ ମଧ୍ୟ ଶୁଣାଣି ଦୂରକୁ ଆସିନାହିଁ।
ସେ ମଧ୍ୟ ଅଯୋଧ୍ୟାରେ ବିଜେପିର ପରାଜୟକୁ ନେଇ ସମାଲୋଚନା କରିଛନ୍ତି । ଭଗବାନ ରାମ ଆପଣଙ୍କୁ (ବିଜେପି) ନ୍ୟାୟ ଦେଇଛନ୍ତି। ଅଯୋଧ୍ୟାରେ ଭଗବାନ ରାମଙ୍କ ମନ୍ଦିର ନାଁରେ ଦାନ ହଡ଼ପ ହୋଇଥିଲା, ସେଥିପାଇଁ ଭଗବାନ ଆପଣଙ୍କୁ ହରାଇଦେଇଛନ୍ତି । ଯେଉଁ ଯେଉଁ ସ୍ଥାନ ଦେଇ ଭଗବାନ ଶ୍ରୀରାମ ଅତିକ୍ରମ କରିଥିଲେ ସେଠାରେ ବିଜେପିର ବିଲୋପ ହୋଇଯାଇଛି ।