ସୋନାକ୍ଷୀ ଗର୍ଭବତୀ ଖବର ମିଥ୍ୟା, ସ୍ୱାମୀଙ୍କ ସହ ଡାକ୍ତରଖାନାକୁ କାହିଁକି ଯାଇଥିଲେ, ଜଣାପଡ଼ିଲା ସତକଥା
ମୁମ୍ବାଇ: ବଲିଉଡ ଅଭିନେତ୍ରୀ ସୋନାକ୍ଷୀ ସିହ୍ନା ତାଙ୍କ ବିବାହ ପୂର୍ବରୁ ମଧ୍ୟ ହେଡଲାଇନରେ ଥିଲେ। ପାଇଛନ୍ତି। ଏବେ ବିବାହ ପରେ ମଧ୍ୟ ସେ ହେଡଲାଇନରେ ରହିଛନ୍ତି। ସୋନାକ୍ଷୀ ଜହିର ଇକବାଲଙ୍କୁ ବିବାହ କରିବା ପରେ ପୁଣି ଥରେ ତାଙ୍କର ଗର୍ଭବତୀ ଖବର ସହିତ ଚର୍ଚ୍ଚାରେ ରହିଛନ୍ତି। ଶୁକ୍ରବାର କୋକିଲାବେନ୍ ହସ୍ପିଟାଲ ବାହାରେ ସୋନାକ୍ଷୀ ଏବଂ ଜହିରଙ୍କୁ ଦେଖିବାକୁ ମିଳିଥିଲା। ଏହାପରେ ସୋନାକ୍ଷୀଙ୍କୁ ନେଇ କଳ୍ପନାଜଳ୍ପନା ଆରମ୍ଭ ହୋଇଥିଲା ଯେ ଖୁବ୍ ଶୀଘ୍ର ଦମ୍ପତିଙ୍କ ଘରକୁ ଏକ ଖୁସି ଖବର ଆସିବ।
Sambad is now on WhatsApp
Join and get latest news updates delivered to you via WhatsApp
ମାତ୍ର ସୋନାକ୍ଷୀ ସିହ୍ନା ଏପର୍ଯ୍ୟନ୍ତ ଗର୍ଭବତୀ ହୋଇ ନାହାନ୍ତି। ଯେଉଁ ଖବର ସାମ୍ନାକୁ ଆସିଛି ତାହା କେବଳ ଗୁଜବ। ବର୍ତ୍ତମାନ ଲୋକଙ୍କ ମନରେ ପ୍ରଶ୍ନ ହେଉଛି ଯଦି ସୋନାକ୍ଷୀ ଗର୍ଭବତୀ ନୁହଁନ୍ତି, ତେବେ ସେ କାହିଁକି ଡାକ୍ତରଖାନା ଯାଇଥିଲେ।
ସୂଚନା ରହିଛି ଯେ ସୋନାକ୍ଷୀଙ୍କ ବିବାହର କିଛି ଦିନ ପରେ ତାଙ୍କ ପିତା ଶତ୍ରୁଘ୍ନ ସିହ୍ନାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା ଏବଂ ସୋନାକ୍ଷୀ ତାଙ୍କ ପିତାଙ୍କ ଅବସ୍ଥା ଜାଣିବା ପାଇଁ ସ୍ୱାମୀଙ୍କ ସହ ଡାକ୍ତରଖାନା ଯାଇଥିଲେ। ସୋନାକ୍ଷୀ ତାଙ୍କ ପିତାଙ୍କୁ ଅଧିକ ଭଲ ପାଆନ୍ତି। ପିତାଙ୍କ ବିଷୟରେ ଚିନ୍ତିତ ହେବା ତାଙ୍କ ପାଇଁ ସ୍ୱାଭାବିକ।
କିନ୍ତୁ ଲୋକମାନେ କୌଣସି ପ୍ରକାରେ ଏହାକୁ ନ ବୁଝି ସୋନାକ୍ଷୀଙ୍କୁ ପୁଣି ଟ୍ରୋଲ କରିବା ଆରମ୍ଭ କରିଥିଲେ। ସୋନାକ୍ଷୀ ତାଙ୍କ ପିତାଙ୍କ ଅବସ୍ଥା ବିଷୟରେ ଜାଣିବା ପାଇଁ ସ୍ୱାମୀଙ୍କ ସହ ଡାକ୍ତରଖାନା ଯିବା ପରେ ସେ ଶୀଘ୍ର ମା’ ହେବାକୁ ଯାଉଛନ୍ତି ବୋଲି ଆଲୋଚନା ଆରମ୍ଭ ହୋଇଥିଲା, ଯାହା ବର୍ତ୍ତମାନ ଏକ ଗୁଜବ ବୋଲି ପ୍ରମାଣିତ ହୋଇଛି ।