“ମୁଁ ଏବେ ବେରୋଜଗାର ହୋଇଗଲି…” : ରାହୁଲ ଦ୍ରାବିଡ଼
ନୂଆଦିଲ୍ଲୀ: ରାହୁଲ ଦ୍ରାବିଡ଼ଙ୍କ ପ୍ରଶିକ୍ଷଣରେ ଭାରତୀୟ କ୍ରିକେଟ୍ ଦଳ ଟି-୨୦ ବିଶ୍ବ ବିଜେତା ହୋଇଛି। ଟି-୨୦ ବିଶ୍ୱକପ୍ ଫାଇନାଲରେ ଟିମ୍ ଇଣ୍ଡିଆ ଦକ୍ଷିଣ ଆଫ୍ରିକାକୁ ପରାସ୍ତ କରିଛି। ଏହି ବିଜୟ ପରେ ତାଙ୍କର ପ୍ରତିକ୍ରିୟା ସାମନାକୁ ଆସିଛି। ଏହି ବିଜୟ ନେଇ ସେ ଖୁସି ପ୍ରକାଶ କରିବା ସହ କହିଥିଲେ ଯେ ସେ ଆସନ୍ତା ସପ୍ତାହରୁ ବେରୋଜଗାର ହୋଇଯିବେ ।
Sambad is now on WhatsApp
Join and get latest news updates delivered to you via WhatsApp
ଗତକାଲି ଭାରତ ଚାମ୍ପିଅନ ହେବା ପରେ ତାଙ୍କୁ ଯେତେବେଳେ ତାଙ୍କ ପ୍ରତିକ୍ରିୟା ସଂପର୍କରେ ପଚରାଗଲା ସେ ହସି କରି କହିଲେ “ ଆସନ୍ତା ସପ୍ତାହରୁ ମୁଁ ବେରୋଜଗାର ହୋଇଯିବି , କିଛି ଅଫର ଅଛି କି ?”
ଜଣେ ଖେଳାଳି ଭାବରେ ଦ୍ରାବିଡ଼ ଭାରତୀୟ କ୍ରିକେଟର ଅନ୍ୟତମ କିମ୍ବଦନ୍ତୀ ଖେଳାଳି ଥିଲେ ବି ତାଙ୍କ କ୍ୟାରିୟରରେ ସେ କୌଣସି ବିଶ୍ବବିଜୟୀ ଭାରତୀୟ ଦଳର ସଦସ୍ୟ ହୋଇପାରିନଥିଲେ । ତାଙ୍କ ଅଧିନାୟକତ୍ବରେ ୨୦୦୭ରେ ଭାରତ ଦିନିକିଆ ବିଶ୍ବକପରେ ଶୋଚନୀୟଭାବେ ପରାସ୍ତ ହୋଇ ପ୍ରାରମ୍ଭିକ ରାଉଣ୍ଡରୁ ବିଦାୟ ନେଇଥିଲା । ସେହିବର୍ଷ ଅନୁଷ୍ଠିତ ପ୍ରଥମ ଟି-୨୦ ବିଶ୍ବକପରେ ମହେନ୍ଦ୍ର ସିଂ ଧୋନୀଙ୍କ ନେତୃତ୍ବରେ ଭାରତ ଚାମ୍ପିଅନ ହୋଇଥିଲା । କିନ୍ତୁ ଏବେ ଜଣେ ପ୍ରଶିକ୍ଷକଭାବେ ସେ ଟମ ଇଣ୍ଡିଆକୁ ବିଶ୍ବ ଚାମ୍ପିଅନ କରାଇଛନ୍ତି ।