ଭୁବନେଶ୍ବର : କେନ୍ଦ୍ର ସରକାରଙ୍କ ନିକଟରେ ହାଇକୋର୍ଟ କିମ୍ବା ସୁପ୍ରିମକୋର୍ଟର ବେଞ୍ଚ ପ୍ରତିଷ୍ଠା ନେଇ ଏବେ କୌଣସି ସଂପୂର୍ଣ୍ଣ ପ୍ରସ୍ତାବ ବାକି ନାହିଁ। ୨୦୧୯ ମସିହାରେ କୋଲକତା ହାଇକୋର୍ଟଙ୍କ ସର୍କିଟ୍ ବେଞ୍ଚ ଜଳପାଇଗୁଡ଼ିଠାରେ ପ୍ରତିଷ୍ଠା ହୋଇସାରିଛି। ସାଂସଦ ସସ୍ମିତ ପାତ୍ରଙ୍କ ଏକ ପ୍ରଶ୍ନର ଉତ୍ତରରେ ଏହି ସୂଚନା ଦେଇଛନ୍ତି କେନ୍ଦ୍ର ଆଇନ ରାଷ୍ଟ୍ରମନ୍ତ୍ରୀ ଅର୍ଜୁନ ରାମ ମେଘୱାଲ।
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
ଶ୍ରୀ ମେଘୱାଲ କହିଛନ୍ତି ଯେ ହାଇକୋର୍ଟ ବେଞ୍ଚ ପ୍ରତିଷ୍ଠା ରାଜ୍ୟ ସରକାରଙ୍କ ପକ୍ଷରୁ ଭିତ୍ତିଭୂମି ଓ ବ୍ୟୟ ଅଟକଳ ସଂପର୍କିତ ସଂପୂର୍ଣ୍ଣ ପ୍ରସ୍ତାବ ଓ ସଂପୃକ୍ତ ହାଇକୋର୍ଟର ମୁଖ୍ୟ ବିଚାରପତିଙ୍କ ଅନୁମୋଦନ ପରେ ଯଶୋବନ୍ତ ସିଂହ କମିସନ ଅନୁଯାୟୀ ହୋଇଥାଏ। ସଂପୂର୍ଣ୍ଣ ପ୍ରସ୍ତାବ ପାଇଁ ସଂପୃକ୍ତ ରାଜ୍ୟର ରାଜ୍ୟପାଳଙ୍କ ଅନୁମୋଦନର ମଧ୍ୟ ଆବଶ୍ୟକତା ରହିଛି। ସମ୍ବିଧାନର ଧାରା ୧୩୦ ଅନୁଯାୟୀ ସୁପ୍ରିମକୋର୍ଟ ଦିଲ୍ଲୀ କିମ୍ବା ରାଷ୍ଟ୍ରପତି ଅନୁମୋଦନ ପରେ ଅନ୍ୟ ସ୍ଥାନରେ ବସିପାରିବେ। ୧୮ତମ ଆଇନ କମିସନଙ୍କ ତାଙ୍କର ୨୨୯ତମ ରିପୋର୍ଟରେ ଦିଲ୍ଲୀଠାରେ ସାମ୍ବିଧାନିକ ବେଞ୍ଚ ପ୍ରତିଷ୍ଠା ଓ ଦିଲ୍ଲୀରେ ଉତ୍ତରାଞ୍ଚଳ, ଚେନ୍ନାଇ-ହାଇଦ୍ରାବାଦରେ ଦକ୍ଷିଣାଞ୍ଚଳ, କୋଲାକାତାରେ ପୂର୍ବାଞ୍ଚଳ ଓ ମୁମ୍ବାଇରେ ପଶ୍ଚିମାଞ୍ଚଳକୁ ମିଶାଇ ୪ଟି କାସାସନ ବେଞ୍ଚ ପ୍ରତିଷ୍ଠା ହୋଇପାରିବ ନେଇ ପ୍ରସ୍ତାବ ଦେଇଥିଲେ। ତେବେ ଏ ସଂପର୍କିତ ପ୍ରସ୍ତାବ ସୁପ୍ରିମକୋର୍ଟର ମୁଖ୍ୟ ବିଚାରପତିଙ୍କ ନିକଟକୁ ଯାଇଥିଲା। ୨୦୧୦ ମସିହାରେ ହୋଇଥିବା ସୁପ୍ରିମକୋର୍ଟ ପକ୍ଷରୁ ହୋଇଥିବା ବୈଠକରେ ଦିଲ୍ଲୀ ବାହାରେ ସୁପ୍ରିମକୋର୍ଟଙ୍କ କୌଣସି ବେଞ୍ଚ ପ୍ରତିଷ୍ଠାର କୌଣସି ଆବଶ୍ୟକତା ନ ଥିବା କୁହାଯାଇଥିଲା।