ଜାଣନ୍ତୁ କ’ଣ ପାଇଁ ସ୍ୱାମୀ ରଣବୀରଙ୍କୁ ବ୍ୟାଗ୍ରେ ରଖିବାକୁ ଚାହୁଁଛି ବୋଲି କହିଲେ ଦୀପିକା ପାଦୁକୋନ
ମୁମ୍ବାଇ: ବଲିଉଡ୍ରେ ସଫଳତାର ଦ୍ୱିତୀୟ ନାମ ବନି ସାରିଛନ୍ତି ଅଭିନେତ୍ରୀ ଦୀପିକା ପାଦୁକୋନ । ଆଜି ବିବାହ ପରେ ରଣବୀରଙ୍କ ସହ ତାଙ୍କର ପ୍ରଥମ ଜନ୍ମଦିନ ପାଳିତ ହୋଇଥିବା ବେଳେ ସେ ଏହାକୁ ଖାସ୍ ଅନ୍ଦାଜରେ ପାଳନ କରୁଥିବା ଜଣା ପଡ଼ିଛି । ଦୀପିକାଙ୍କ ଜନ୍ମଦିନ ଅବସରରେ ତାଙ୍କର ଏକ ଭିଡିଓ ଏବେ ଖୁବ୍ ଭାଇରାଲ ହେବାରେ ଲାଗିଛି । ଭାଇରାଲ ହେଉଥିବା ଭିଡିଓରେ ଦୀପିକାଙ୍କୁ ନିଜ ବ୍ୟକ୍ତଗତ ଜୀବନ ବିଷୟରେ ଅନେକ କିଛି କହୁଥିବା ଦେଖା ଯାଇଛି । ସାକ୍ଷାତକାରେ ତାଙ୍କୁ ଅନେକ ପ୍ରଶ୍ନ ପଚରା ଯାଇଥିବା ବେଳେ ବିନ୍ଦାଜ ହୋଇ ଦୀପିକା ଉତ୍ତର ରଖୁଥିବା ଦେଖା ଯାଇଥିଲା । ବ୍ୟାଗ୍ରେ କେଉଁ ୩ଟି ଜିନିଷ ରଖିବାକୁ ପସନ୍ଦ କରିବେ ବୋଲି ଦୀପିକାଙ୍କୁ ପଚରା ଯାଇଥିବା ବେଳେ ଏହାର ମଜାଦାର ଉତ୍ତର ଦେଇଥିଲେ ଦୀପିକା ।
Sambad is now on WhatsApp
Join and get latest news updates delivered to you via WhatsApp
“ମୁଁ ମୋ ବ୍ୟାଗ୍ରେ ମୋ ସ୍ୱାମୀ ରଣବୀର ସିଂହ, ଭଉଣୀ ଏବଂ ମା’ଙ୍କୁ ବ୍ୟାଗ୍ରେ ରଖିବି” ବୋଲି କହିଥିଲେ ଦୀପିକା । “ମୁଁ ଯାତ୍ରା କରିବା ସମୟରେ ସବୁ ଜରୁରୀ ଜିନିଷ ମୋ ବ୍ୟାଗ୍ରେ ଥାଏ । ଏହି ୩ଟି ଲୋକ ମୋ ପାଇଁ ଜରୁରୀ ହୋଇଥିବାରୁ ମୁଁ ସେମାନଙ୍କୁ ବ୍ୟାଗ୍ରେ ରଖିବାକୁ ଚାହୁଁଥିବା” କହିଥିଲେ ଦୀପିକା ।