ହଜାରିବାଗ : ନିଟ୍ ପ୍ରଶ୍ନପତ୍ର ଲିକ୍ ମାମଲାରେ ତଦନ୍ତ ପ୍ରକ୍ରିୟାକୁ ତ୍ବରାନ୍ବିତ କରିଛି ସିବିଆଇ । ଏହି କ୍ରମରେ ଝାଡ଼ଖଣ୍ଡର ହଜାରିବାଗରେ ଥିବା ଏକ ସ୍କୁଲ ଉପରେ ଚଢଉ କରିଛି ସିବିଆଇ । ହଜାରୀବାଗର ଓଆସିସ୍ ସ୍କୁଲର ପ୍ରଧାନ ଶିକ୍ଷକ ଅହସାନ-ଉଲ-ହକ୍ ଏବଂ ଉପାଧ୍ୟକ୍ଷ ଇମତିଆଜ ଆଲାମଙ୍କୁ ସିବିଆଇ ଗିରଫ କରିଛି। ଆପଣଙ୍କୁ କହିରଖୁଛୁ ଯେ ଅହସାନ ଉଲ ହକ୍ ଉକ୍ତ ସ୍କୁଲର ସେଣ୍ଟର କୋର୍ଡିନେଟର ମଧ୍ୟ ଥିଲେ । ସେମାନଙ୍କୁ ଆଜି ଗିରଫ କରାଯାଇ ହଜାରୀବାଗରୁ ବିହାର ନିଆଯାଇଛି।
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
ନିଟ୍ ପେପର ଲିକ୍ ମାମଲାର ସିବିଆଇ ତଦନ୍ତ ଦ୍ରୁତ ଗତିରେ ବୃଦ୍ଧି ପାଇବାରେ ଲାଗିଛି। ସିବିଆଇ ଏବେ ଅଭିଯୁକ୍ତ ଚିଣ୍ଟୁ ଓ ମୁକେଶକୁ ଲଗାତାର ଜେରା କରିଚାଲିଛି । କାଗଜ ଲିକ୍ କୁ ନେଇ ଏହି ଦୁଇ ଜଣ ଅନେକ ରହସ୍ୟ ଜାଣିଛନ୍ତି ବୋଲି ତଦନ୍ତକାରୀ ସଂସ୍ଥା ଅନୁଭବ କରୁଛି। ଏହା ସାମ୍ନାକୁ ଆସିବା ପରେ ମାମଲାର ପର୍ଦ୍ଦାଫାଶ ହେବା ସହଜ ହୋଇପାରେ । ଉଭୟ ଅଭିଯୁକ୍ତଙ୍କୁ ନେଇ ସିବିଆଇ ମଧ୍ୟ ଅନେକ ସ୍ଥାନ ପରିଦର୍ଶନ କରିଛି। ସେହିପରି ଅନ୍ୟ ଜଣେ ଅଭିଯୁକ୍ତ ରକିଙ୍କୁ ଖୋଜିବା ପାଇଁ ତଦନ୍ତକାରୀ ଟିମ୍ କଙ୍କରାବାଗ ଲର୍ଣ୍ଣ ଆଣ୍ଡ ପ୍ଲେ ସ୍କୁଲରେ ପହଞ୍ଚିଥିଲା।