ଭୟ କରନ୍ତୁ ନାହିଁ, ମୋ କଥା ଶୁଣନ୍ତୁ: ସଂସଦରେ ପ୍ରଧାନମନ୍ତ୍ରୀଙ୍କୁ କହିଲେ ମହୁଆ ମୋଇତ୍ର

ନୂଆଦିଲ୍ଲୀ: ୧୮ତମ ଲୋକସଭାର ପ୍ରଥମ ସଂସଦ ଅଧିବେଶନ ଚାଲିଛି। ସୋମବାର ଲୋକସଭାର କାର୍ଯ୍ୟକାଳ ଆରମ୍ଭ ହେବା ମାତ୍ରେ ଉତ୍ତେଜନା ଦେଖାଦେଇଥିଲା। ନିଟ୍ ପେପର ଲିକ୍ ଏବଂ ଅଗ୍ନିବୀର ଯୋଜନାରେ ବିରୋଧୀ ସରକାରଙ୍କୁ ଘେରିବା ଆରମ୍ଭ କରିଥିଲେ। ରାହୁଲ ଗାନ୍ଧୀଙ୍କ ହିନ୍ଦୁଙ୍କ ଉପରେ ନେଇ ମନ୍ତବ୍ୟକୁ ଶାସକ ଦଳ ବିରୋଧ କରିଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟିଏମସି ସାଂସଦ ମହୁଆ ମୋଇତ୍ର ଟାର୍ଗେଟ କରିଛନ୍ତି।

ବିରୋଧୀଦଳର ନେତା ରାହୁଲ ଗାନ୍ଧୀଙ୍କ ଭାଷଣ ପରେ ଯେତେବେଳେ ଟିଏମସି ସାଂସଦ ମହୁଆ ମୋଇତ୍ର ନିଜର ବକ୍ତବ୍ୟ କହିବାକୁ ଠିଆ ହୋଇଥିଲେ ସେତେବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସଂସଦ ଛାଡିବା ଆରମ୍ଭ କରିଥିଲେ। ଏହା ଉପରେ ଟିଏମସି ସାଂସଦ କହିଥିଲେ, ଯାଆନ୍ତୁ ନାହିଁ, ଭୟ କରନ୍ତୁ ନାହିଁ ସାର୍, ମୋ କଥା ଶୁଣନ୍ତୁ। ଏହି ସମୟରେ ସେ ତାଙ୍କ ସଂସଦୀୟ ନିର୍ବାଚନମଣ୍ଡଳୀରେ ଲୋକସଭା ନିର୍ବାଚନ ପ୍ରଚାର ସମୟରେ ପ୍ରଧାନମନ୍ତ୍ରୀ ମୋଦୀଙ୍କ ଦ୍ୱାରା ଆୟୋଜିତ ରାଲି ବିଷୟରେ ମଧ୍ୟ ଉଲ୍ଲେଖ କରିଥିଲେ।

#WATCH | TMC MP Mahua Moitra says, "The last time I stood here I was not allowed to speak. But the ruling party has paid a very heavy price for throttling the voice of one MP. In an attempt to suppress me, the public made 63 of your members sit permanently…" pic.twitter.com/JXyBSqM2ta

— ANI (@ANI) July 1, 2024

ମହୁଆ କହିଥିଲେ ଗତଥର ଯେତେବେଳେ ସେ ସଂସଦରେ ଭାଷଣ ଦେବାକୁ ଠିଆ ହୋଇଥିଲେ ସେତେବେଳେ ତାଙ୍କୁ କହିବାକୁ ଅନୁମତି ଦିଆଯାଇ ନ ଥିଲା। କିନ୍ତୁ ଜଣେ ସାଂସଦଙ୍କ ସ୍ୱରକୁ ଦମନ କରିବା ପାଇଁ ଶାସକ ଦଳ ନିର୍ବାଚନରେ ବହୁ ମୂଲ୍ୟ ଦେଇଛି। ସାଂସଦଙ୍କ ସ୍ୱରକୁ ଦମନ କରିବା ଦେଶର ଲୋକମାନେ ସରକାରଙ୍କ ୬୩ ଜଣ ସଦସ୍ୟଙ୍କୁ ସ୍ଥାୟୀ ଭାବରେ ବସାଇ ଦେଇଛନ୍ତି।

ଲୋକସଭାର ସଦସ୍ୟତା ହରାଇବା ପରେ ଟିଏମସି ସାଂସଦ ସଂସଦକୁ ଫେରିଥିବା ବିଷୟରେ କହିଥିଲେ। ସେ କହିଥିଲେ କୃଷ୍ଣନଗରବାସୀ ତାଙ୍କୁ ଜନାଦେଶ ଭାବେ ସୁରକ୍ଷା ଦେଇଛନ୍ତି। ଏହା ସହିତ ସେ ସୁପ୍ରିମକୋର୍ଟ ଏବଂ ହାଇକୋର୍ଟର ବିଚାରପତିଙ୍କ ଅବସର ବୟସ ଉପରେ ମଧ୍ୟ ପ୍ରଶ୍ନ କରିଥିଲେ।