ନୂଆଦିଲ୍ଲୀ: କେନ୍ଦ୍ରୀୟ ଦିଲ୍ଲୀରେ ଜଣେ ୧୪ ବର୍ଷିୟ ବାଳକକୁ ଅନ୍ୟ ତିନି ଜଣ ତରୁଣ ଛୁରି ମାରି ହତ୍ୟା କରିଥିବା କଥା ପୁଲିସ ଶନିବାର ଦିନ କହିଛି। ନିହତ ବାଳକ ଅଭିଯୁକ୍ତମାନଙ୍କ ମଧ୍ୟରୁ ଜଣକ ପ୍ରେମିକା ସହ ବନ୍ଧୁତା କରିଥିଲେ।
Sambad is now on WhatsApp
Join and get latest news updates delivered to you via WhatsApp
ତିନି ଅଭିଯୁକ୍ତଙ୍କୁ ଗିରଫ କରାଯାଇଛି।
ଶୁକ୍ରବାର ରାତିରେ ସେ ବାଳକ ତାଙ୍କ ଘର ପାଖରେ ଠିଆ ହୋଇଥିବା ବେଳେ ଗୋଟିଏ କଥା ବିଷୟରେ ଆଲୋଚନା କାରିବାକୁ ୪ ଜଣ ବାଳକ ତାଙ୍କୁ ଡାକିଥିଲେ। କିନ୍ତୁ, ଆଲୋଚନା କଳହ ରୂପ ନେବା ପରେ ସେମାନେ ସେ ବାଳକକୁ ବହୁଥର ଛୁରି ମାରିଥିଲେ।
ପୀଡ଼ିତ ସାହାଯ୍ୟ ପାଇଁ ଚିତ୍କାର କରିବାରୁ ଅଭିଯୁକ୍ତ ବାଳକମାନେ ସେଠାରୁ ଚମ୍ପଟ୍ ମାରିଥିଲେ। ଆହତ ବାଳକକୁ ତାଙ୍କ ମାଆ ତୁରନ୍ତ ଡାକ୍ତରଖାନା ନେଇ ଯାଇଥିଲେ, କିନ୍ତୁ ସେ ଆଉ ବଞ୍ଚିଲେ ନାହିଁ।
ପଚରା ଉଚୁରା ଜଣେ ବାଳକ କହିଲେ କି, ସେମାନଙ୍କ ମଧ୍ୟରୁ ଜଣକ ପ୍ରେମିକା ସହ ନିହତ ବାଳକ ବନ୍ଧୁତା କରିଥିଲା। ଏହାର ଅଳ୍ପ କେତେ ସପ୍ତାହ ପରେ ତାକୁ କୁହାଯାଇଥିଲା ସେ ଝିଅ ସହ କଥା ନ କହିବାକୁ, କିନ୍ତୁ ସେ ମାନିଲା ନାହିଁ।
ଏହି ଘଟନାରୁ ରାଗି ଯାଇ ଅଭିଯୁକ୍ତ ନିଜର ତିନି ବନ୍ଧୁଙ୍କ ସହ ମିଶି ଷଡ଼ଯନ୍ତ୍ର କରି ତାକୁ ହତ୍ୟା କରିଥିବା କଥା ପୁଲିସ କହୁଛି। ମାମଲାରେ ସମ୍ପୃକ୍ତ ଆଉ ଜଣକୁ ଧରିବାକୁ ପୁଲିସ ଉଦ୍ୟମ ଚଳାଇଛି।