ବିଶାଖାପାଟଣା: ସାନଭାଇର ଅନୈତିକ ସମ୍ପର୍କ ପାଇଁ ବଡଭାଇ ପାଇଲା ଶାସ୍ତି | ସାନଭାଇର ଅନୈତିକ ସମ୍ପର୍କ ପାଇଁ ବଡଭାଇକୁ ଜିଅନ୍ତା କାରରେ ପୋଡିଦେଲେ ମହିଳାଙ୍କ ସ୍ୱାମୀ ଓ ସମ୍ପର୍କୀୟ | ଆନ୍ଧ୍ରପ୍ରଦେଶର ତିରୁପତି ନିକଟରେ ଏଭଳି ଏକ ଅମାନବୀୟ ହତ୍ୟାକାଣ୍ଡ ଘଟିଛି | ଜଣେ ୩୫ ବର୍ଷୀୟ ସଫ୍ଟୱେୟାର ଇଞ୍ଜିନିୟରଙ୍କୁ ଜୀବନ୍ତ ପୋଡି ହତ୍ୟା କରାଯାଇଛି | ପୁଲିସର ସୂଚନା ମୁତାବକ ଚି଼ତୁର ଜିଲ୍ଲାର ବ୍ରାହ୍ମଣପାଲ୍ଲୀ ଗ୍ରାମରେ ନାଗରାଜୂ ନାମକ ବ୍ୟକ୍ତିଙ୍କୁ ତିନିଜଣ ପୋଡି ହତ୍ୟା କରିଛନ୍ତି | ଏହି ତିନିଜଣ ଅଭିଯୁକ୍ତ ହେଉଛନ୍ତି ରିପିଞ୍ଜୟା, ଚାଣକ୍ୟ ପ୍ରତାପ ଏବଂ ଗୋପୀନାଥ ରେଡ୍ଡୀ | ପୁଲିସ ଅଧିକାରୀ କହିଛନ୍ତି ଯେ ନାଗରାଜୁଙ୍କ ଭାଇ ପୁରୁଷୋତ୍ତମଙ୍କର ରିପିଞ୍ଜୟାଙ୍କ ପତ୍ନୀଙ୍କ ସହ ଅନୈତିକ ସମ୍ପର୍କ ଥିଲା | ଆଉ ଏହାକୁ ନେଇ ପୁରୁଷୋତ୍ତମଙ୍କୁ ଅନେକ ଥର ରିପିଞ୍ଜୟା ବୁଝାଇଥିଲେ |
Sambad is now on WhatsApp
Join and get latest news updates delivered to you via WhatsApp
ଏହି ବିବାଦର ସମାଧାନ ପାଇଁ ନାଗରାଜୁ, ଗୋପୀନାଥ ରେଡ୍ଡୀଙ୍କ ମାଧ୍ୟମରେ ମଧ୍ୟସ୍ଥତା କରୁଥିଲେ। ପୁଲିସର କହିବାନୁସାରେ, ନାଗରାଜୁଙ୍କ ସାନଭାଇ ପୁରୁଷୋତ୍ତମ ବେଙ୍ଗାଲୁରୁରେ ଚାକିରି ପାଇଥିଲେ। ସେ ମଧ୍ୟ ଜଣେ ସଫ୍ଟୱେୟାର ଇଞ୍ଜିନିୟର | ଶନିବାର ରାତିରେ ପୁରୁଷୋତ୍ତମ ବାଙ୍ଗାଲୋରରେ ଥିବାବେଳେ ରେଡ୍ଡୀ, ନାଗରାଜୁଙ୍କୁ କଥାବାର୍ତ୍ତା ପାଇଁ ଡାକିଥିଲେ। ତେବେ କଥାବାର୍ତ୍ତା ବେଳେ ନାଗରାଜୁଙ୍କ ସହ ଏହି ତିନିଜଣଙ୍କର ବିବାଦ ଉପୁଜିଥିଲା | ଆଉ ଏହାପରେ ଏହି ତିନିଜଣ ମିଶି ନାଗରାଜୁଙ୍କୁ ତାଙ୍କ କାରରେ ଜୀବନ୍ତ ଜାଳି ଦେଇଥିଲେ। ଅଭିଯୁକ୍ତମାନେ ଏହି କାଣ୍ଡ କରି ଫେରାର ହୋଇଯାଇଥିଲେ | ରବିବାର ସକାଳେ ସ୍ଥାନୀୟ ଲୋକଙ୍କ ସୂଚନା ପାଇବା ପରେ ପୁଲିସ ଘଟଣାସ୍ଥଳରେ ପହଞ୍ଚି କାରର ପଞ୍ଜୀକରଣ ନମ୍ବର ଆଧାରରେ ମୃତ ବ୍ୟକ୍ତିଙ୍କୁ ଚିହ୍ନଟ କରିଥିଲା। ଏହି ତିନି ଅଭିଯୁକ୍ତ ଫେରାର ଅଛନ୍ତି ଏବଂ ପୁଲିସ ସେମାନଙ୍କୁ ଖୋଜୁଛି।