ଚଳିତ ସିଜିନରେ ଏହି ୪ ଖେଳାଳି ସ୍କୋର କଲେଣି ୫୦ରୁ ଅଧିକ ଚୌକା
ନୂଆଦିଲ୍ଲୀ: ଆଇପିଏଲର ଚଳିତ ସିଜିନରେ ବର୍ତ୍ତମାନ ପର୍ଯ୍ୟନ୍ତ ଟ୍ରାଭିସ୍ ହେଡ୍ ସର୍ବାଧିକ ଚୌକା ମାରିଥିବା ବ୍ୟାଟ୍ସମ୍ୟାନ୍ ତାଲିକାରେ ଶୀର୍ଷରେ ଅଛନ୍ତି | ୧୧ଟି ମ୍ୟାଚରେ ସନରାଇଜର୍ସ ହାଇଦ୍ରାବାଦ ଓପନର୍ ଟ୍ରାଭିସ୍ ହେଡ୍ ସର୍ବାଧିକ ୬୧ଟି ଚୌକା ମାରିଛନ୍ତି | କିନ୍ତୁ ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ସର୍ବାଧିକ ଚୌକା ତାଲିକାରେ ରୋହିତ ଶର୍ମା ଏବଂ ସୂର୍ଯ୍ୟକୁମାର ଯାଦବଙ୍କ ନାମ ନାହିଁ। ଟ୍ରାଭିସ୍ ହେଡଙ୍କ ପରେ, ରୁତୁରାଜ ଗାଇକୱାଡ ସର୍ବାଧିକ ୫୭ଟି ଚୌକା ମାରିଛନ୍ତି। ଏହା ପରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ବିରାଟ କୋହଲି ତୃତୀୟ ସ୍ଥାନରେ ଅଛନ୍ତି। ବର୍ତ୍ତମାନ ପର୍ଯ୍ୟନ୍ତ ବିରାଟ କୋହଲି ୧୨ଟି ମ୍ୟାଚରେ ୫୫ଟି ଚୌକା ମାରିଛନ୍ତି। ଫିଲ୍ ସଲ୍ଟ ୧୧ଟି ମ୍ୟାଚରେ ୫୦ଟି ଚୌକା ମାରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହା ପରେ ସୁନୀଲ ନାରିନ ପଞ୍ଚମ ସ୍ଥାନରେ ଅଛନ୍ତି। ଏହି ବ୍ୟାଟ୍ସମ୍ୟାନ୍ ୧୧ଟି ମ୍ୟାଚରେ ୪୬ଟି ଚୌକା ମାରିଛନ୍ତି। ସେହିପରି ୧୧ଟି ମ୍ୟାଚରେ ୪୪ଟି ଚୌକା ସହ ରାଜସ୍ଥାନ ରୟାଲ୍ସର ଅଧିନାୟକ ସଞ୍ଜୁ ସାମସନ ଷଷ୍ଠ ସ୍ଥାନରେ ଅଛନ୍ତି। ଗୁଜୁରାଟ ଟାଇଟାନ୍ସର ଯୁବ ବ୍ୟାଟ୍ସମ୍ୟାନ୍ ସାଇ ସୁଦର୍ଶନ ୧୧ଟି ମ୍ୟାଚରେ ୪୩ଟି ଚୌକା ସହ ସପ୍ତମ ସ୍ଥାନରେ ଅଛନ୍ତି। ଲଖନଉ ସୁପର ଜିଆଣ୍ଟସ୍ ଅଧିନାୟକ କେ.ଏଲ୍ ରାହୁଲ ୧୨ଟି ମ୍ୟାଚରେ ୪୧ଟି ଚୌକା ମାରିଛନ୍ତି। ଏଥି ସହିତ ଏହି ତାଲିକାରେ ନବମ ସ୍ଥାନରେ ଥିବା ଫାଫ୍ ଡୁ ପ୍ଲେସିସ୍ ୧୨ଟି ମ୍ୟାଚରେ ୪୧ଟି ଚୌକା ମାରିଛନ୍ତି। ୧୧ଟି ମ୍ୟାଚରେ ଯଶସ୍ୱୀ ଜୈସୱାଲଙ୍କ ନାମରେ ୩୮ଟି ଚୌକା ଥିବାବେଳେ ସୁର୍ଯ୍ୟକୁମାର ଯାଦବଙ୍କ ବିଷୟରେ କହିବାକୁ ଗଲେ ଏହି ଖେଳାଳି ୯ଟି ମ୍ୟାଚରେ ୩୫ଟି ଚୌକା ମାରିଛନ୍ତି।