ମାର୍ଚ୍ଚ ୧୫ରୁ ଓଡ଼ିଶା ଡ୍ରାଇଭର ମହାସଂଘର ଆନ୍ଦୋଳନ, ଷ୍ଟିୟରିଙ୍ଗ ଛାଡ଼ିବେ ୫ ଲକ୍ଷ ଚାଳକ
ଭୁବନେଶ୍ବର: ୧୦ ଦଫା ଦାବି ନେଇ ଓଡ଼ିଶା ଡ୍ରାଇଭର ମହାସଂଘ ଆସନ୍ତା ୧୫ ତାରିଖ ଠରୁ ଷ୍ଟିୟରିଙ୍ଗ ଛାଡ଼ ଆନ୍ଦୋଳନ କରିବାକୁ ଯାଉଛି। ଏହି ଆନ୍ଦୋଳନରେ ମହାସଂଘର ୫ ଲକ୍ଷ ଡ୍ରାଇଭର ସାମିଲ ହେବେ। ଡ୍ରାଇଭରମାନେ ଦାବି ପୂରଣ ନ ହେବା ପର୍ଯ୍ୟନ୍ତ ୧୫ ତାରିଖ ଠାରୁ ଅନିର୍ଦ୍ଦିଷ୍ଟକାଳ ପର୍ଯ୍ୟନ୍ତ ଆନ୍ଦୋଳନ କରିବେ। ଜରୁରୀକାଳୀନ ଗାଡ଼ି ଓ ମାଟ୍ରିକ ପରୀକ୍ଷା ପାଇଁ ଗାଡିକୁ ଛଡ଼ାଯିବ। ନଚେତ କୌଣସି ଗାଡ଼ି ଚାଲିବନି କି ଚଲେଇଦିଆଯିବନି ବୋଲି ଓଡ଼ିଶା ଡ୍ରାଇଭର ମହାସଂଘର ସଭାପତି ପ୍ରଶାନ୍ତ ମେଣ୍ଡୁଲି ଗଣମାଧ୍ୟମକୁ ସୂଚନା ଦେଇଛନ୍ତି। ସେ କହିଛନ୍ତି ଯେ, ଗାଡ଼ି ନ ଚାଲିଲେ ଜନସାଧାରଣ ଅସୁବିଧାର ସମ୍ମୁଖୀନ ହେବେ। ମହାସଂଘ ଜନସାଧାରଣଙ୍କ ସହଯୋଗ ଲୋଡ଼ିଛି। ଏହି ପ୍ରତିବାଦ ପରେ ସରକାର ଯଦି ନ ଶୁଣିବେ ତେବେ ଆଗାମୀ ନିର୍ବାଚନରେ ସବୁ ଜାଗାରେ ଡ୍ରାଇଭରମାନେ ନୋମିନେସନ ଫାଇଲ କରି ସରକାରଙ୍କ ବିରୋଧରେ ନିର୍ବାଚନ ଲଢ଼ିବେ।
Sambad is now on WhatsApp
Join and get latest news updates delivered to you via WhatsApp
ମାର୍ଚ୍ଚ ୧୫ ତାରିଖରେ ୨0୨୩ ରୁ ଅନିର୍ଦ୍ଧିଷ୍ଟ କାଳ ପାଇଁ ରାଜ୍ୟବ୍ୟାପି ଡ୍ରାଇଭର ଧର୍ମଘଟ ଏବଂ ଅଖଚକ ବନ୍ଦ ଡାକରାକୁ ଶାନ୍ତି ପୂର୍ଣ୍ଣ ଭାବେ ପାଳନ କରାଯିବା ପାଇଁ ଡାକରା ଦିଆ ଯାଇଛି। ତେବେ ଜରୁରୀକାଳୀନ ସେବା, ଆମ୍ବୁଲେନ୍ସ ସେବା, ଅଗ୍ନିଶମ ବାହିନୀ ସେବା ଓ ପ୍ରଶାସନ ଗମନା ଗମନ ଅବ୍ୟାହତ ରହିବ । ଏହାକୁ ତୃଣମୂଳ ସ୍ତରରେ ପ୍ରତ୍ୟେକ ଡ୍ରାଇଭରଙ୍କୁ ଏକତ୍ରିତ ହୋଇ ଆନ୍ଦୋଳନକୁ ସହଯୋଗ କରିବା ପାଇଁ ସମସ୍ତ ଡ୍ରାଇଭରଙ୍କୁ ଆହ୍ୱାନ ଦିଆଯାଇଛି।