ସୁନ୍ଦରଗଡ଼ ଜିଲ୍ଲାରୁ ଆଜି ଚିହ୍ନଟ ୫୨ କରୋନା ଆକ୍ରାନ୍ତଙ୍କ ମଧ୍ୟରୁ ୩୭, ମାଲକାନଗିରି ଜିଲ୍ଲାରୁ ୧୧ରୁ ୭ ଜଣ କରୋନା ଯୋଦ୍ଧା
ସୁନ୍ଦରଗଡ଼/ମାଲକାନଗିରି: ଆଜି ରାଜ୍ୟରେ ୫୪୩ ଜଣ କରୋନା ପଜିଟିଭ୍ ଚିହ୍ନଟ ହେବା ଫଳରେ ଏବେ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୪,୨୮୦କୁ ବୃଦ୍ଧି ପାଇଛି। ଏ ନେଇ ରାଜ୍ୟ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି। ଆଜି ୨୩ଟି ଜିଲ୍ଲାରୁ ଏହିସବୁ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସୁନ୍ଦରଗଡ଼ ଜିଲ୍ଲାରୁ ୫୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରେ ୩୭ ଜଣ କରୋନା ଯୋଦ୍ଧା ଥିବା ନେଇ ସୁନ୍ଦରଗଡ଼ ଜିଲ୍ଲାପାଳ ନିଖିଳ ପବନ କଲ୍ୟାଣ ସୂଚନା ଦେଇଛନ୍ତି। ସେହିଭଳି ଆଜି ମାଲକାନଗିରି ଜିଲ୍ଲାରୁ ଚିହ୍ନଟ ହୋଇଥିବା ୧୧ କରୋନା ପଜିଟିଭଙ୍କ ଭିତରୁ ୭ଜଣ କରୋନା ଯୋଦ୍ଧା ଥିବା ଜଣାଯାଇଛି ଏବଂ ସମସ୍ତେ ସ୍ବାସ୍ଥ୍ୟକର୍ମୀ ବୋଲି ସୂଚନା ରହିଛି।
Sambad is now on WhatsApp
Join and get latest news updates delivered to you via WhatsApp
the new guidelines of Govt of Odisha. Out of the 37 home quarantined COVID warriors, 15 will be shifted to COVID health centre based on their health situation. pic.twitter.com/TzUt5aMjKY
— District Sundargarh (@DMSundargarh) July 14, 2020
ଏହି କରୋନା ଯୋଦ୍ଧାଙ୍କ ମଧ୍ୟରୁ ୩୬ ଜଣ ଜଣ ପୁଲିସ୍ କର୍ମଚାରୀ ଏବଂ ଜଣେ ଡାକ୍ତର ଥିବା ଜଣାଯାଇଛି। ପୁଲିସ୍ଙ୍କ ମଧ୍ୟରେ ଜଣେ ଡ଼ିଏସପି ଏବଂ ଜଣେ ଇନ୍ସପେକ୍ଟର ମଧ୍ୟ କରୋନାରେ ଆକ୍ରାନ୍ତ ହୋଇଛନ୍ତି ।
ଏହି ନୂଆ ଆକ୍ରାନ୍ତଙ୍କ ମଧ୍ୟରୁ କେତେକଙ୍କୁ ଘରୋଇ ସଙ୍ଗରୋଧରେ ରହିବାକୁ କୁହାଯାଇଛି। ଆଉ କେତେଜଣଙ୍କୁ ରାଉରକେଲାସ୍ଥିତ କୋଭିଡ ହସ୍ପିଟାଲ, କୋଭିଡ ହେଲଥ୍ ସେଣ୍ଟର ତଥା ସୁନ୍ଦରଗଡ଼ସ୍ଥିତି ଏନଟିପିସି ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି।
ସୂଚନାଯୋଗ୍ୟ, ସୁନ୍ଦରଗଡ଼ ଜିଲ୍ଲାରେ ଆଜି ୫୨ଜଣ କରୋନା ପଜିଟିଭ୍ ଚିହ୍ନଟ ହେବା ପରେ ଏଠାରେ ମୋଟ ଆକ୍ରାନ୍ତଙ୍କ ସଂଖ୍ୟା ୭୨୫ରେ ପହଞ୍ଚିଛି। ଅପରପକ୍ଷରେ ଜଣେ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି।