ମୁମ୍ବାଇ: ଅଭିନେତ୍ରୀ ଦୀପିକା ପାଦୁକୋନ ଓ ଅଭିନେତା ରଣବୀର ସିଂହଙ୍କ ପକ୍ଷରୁ ସେମାନଙ୍କ ବିବାହ ତାରିଖକୁ ନେଇ କୌଣସି ଆନୁଷ୍ଠାନିକ ଘୋଷଣା କରାଯାଇନଥିଲେ ବି ସେମାନେ ନଭେମ୍ବରରେ ବିବାହ କରିପାରନ୍ତି ବୋଲି ପ୍ରଶଂସକମାନେ ଅନୁମାନ ଲଗାଇଛନ୍ତି। ଅଭିନେତ୍ରୀ ଅନୁଷ୍କା ଶର୍ମା ଓ ଭାରତୀୟ କ୍ରିକେଟ୍ ଦଳର ଅଧିନାୟକ ବିରାଟ କୋହଲିଙ୍କ ପରି ଏହି ଦୁଇ ଜଣ ବି କୁଆଡ଼େ ଇଟାଲୀରେ ବିବାହ କରିବେ ବୋଲି ସୂଚନା ରହିଛି।
Sambad is now on WhatsApp
Join and get latest news updates delivered to you via WhatsApp
ସବୁଠାରୁ ମଜା କଥା ହେଉଛି ରଣବୀର ଓ ଦୀପିକାଙ୍କ ବିବାହକୁ ନେଇ ଏକ ନିୟମ ନିର୍ଦ୍ଧାରଣ କରାଯାଇଛି। ନିୟମଟି ହେଉଛି ବିବାହକୁ ଯାଉଥିବା ଅତିଥିମାନେ ମଣ୍ଡପ ଭିତରକୁ ନିଜ ନିଜର ଫୋନ୍ ଧରି ଯିବେ ନାହିଁ। ଫୋନ୍ ସାଥିରେ ଧରି ଗଲେ ବିବାହର ଗୋପନୀୟତା ହ୍ରାସ ପାଇବ। ରଣବୀର-ଦୀପିକା ନିଜ ବିବାହର ଦୃଶ୍ୟ ଗୁପ୍ତ ରଖିବା ପାଇଁ ଏପରି ନିୟମ ବାହାର କରିଥିବା ଶୁଣାଯାଏ। ମାତ୍ର କେତେ ଜଣ ଅତିଥି ଏହି ନିୟମକୁ ମାନି ଚଳୁଛନ୍ତି ତାହା ଦେଖିବା ବାକି ରହିଲା!
ରଣବୀରଙ୍କ ଘନିଷ୍ଠ ବନ୍ଧୁ ଅର୍ଜୁନ କପୁର ଓ ଦୀପିକାଙ୍କ ଅଲ୍ଟାଇମ୍ ମେଣ୍ଟର୍ ଶାହାରୁଖ ଖାନ ଏହି ବିବାହ ଉତ୍ସବରେ ନିଶ୍ଚୟ ଯୋଗ ଦେବେ ବୋଲି ସୂଚନା ରହିଛି। ବିବାହକୁ ସୀମିତ କିଛି ଘନିଷ୍ଠ ସଂପର୍କୀୟ ଯିବେ। ତା’ପରେ ସେମାନେ ମୁମ୍ବାଇ ଓ ବେଙ୍ଗାଲୁରୁ ସହରରେ ନିଜ ରିପେପସନ୍ ପାର୍ଟି ଦେବେ।