ନୂଆଦିଲ୍ଲୀ: ସିଙ୍ଗାପୁରର ଜଣେ ଭାରତୀୟ ମହିଳା ୨୦୨୨ରେ ସିଙ୍ଗାପୁରର ଏକ ଚାଇଲ୍ଡ କେୟାର ସେଣ୍ଟରରେ ଜଣେ ୬ ବର୍ଷୀୟ ଶିଶୁ ପୁତ୍ରକୁ ବାରମ୍ବାର କଲମରେ ଛୁରା ମାଡ଼ କରିବା ଅଭିଯୋଗରେ ତାଙ୍କ ମୁହଁ ଓ ମୁଣ୍ଡରେ ଚିହ୍ନ ରହିଥିଲା।
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
ଏଘଟଣା ଜଣାପଡ଼ିବା ପରେ ୪୩ ବର୍ଷୀୟା ସଂପ୍ୃକ୍ତା ଅଭିଯୁକ୍ତ ମହିଳାଙ୍କ ବିରୋଧରେ ଶିଶୁ ଓ ଯୁବ ବ୍ୟକ୍ତି ଆଇନ ଅନୁଯାୟୀ ତାଙ୍କ ତତ୍ତ୍ୱାବଧାନରେ ଏକ ଶିଶୁ ସହ ଖରାପ ବ୍ୟବହାର ପାଇଁ ଏକ ମାମଲା ରୁଜୁ କରା ଯାଇଥିଲା।
ତେବେ, ଏହି ମାମଲାରେ ପୀଡ଼ିତାଙ୍କ ପରିଚୟ, ଅଭିଯୁକ୍ତଙ୍କ ପରିଚୟ ଏବଂ ଘଟଣାର ସ୍ଥାନ ପ୍ରକାଶ ନ କରିବା ପାଇଁ କୋର୍ଟ ଏକ ବ୍ୟାପକ ନିଷେଧାଦେଶ ଜାରି କରିଛନ୍ତି।
ଚାର୍ଜସିଟ୍ ଅନୁଯାୟୀ ମହିଳା ଜଣକ ଜଣେ ଭାରତୀୟ ନାଗରିକ ଏବଂ ସିଙ୍ଗାପୁରର ସ୍ଥାୟୀ ବାସିନ୍ଦା ଅଟନ୍ତି।
୨୦୨୨ ନଭେମ୍ବର ୧୬ ତାରିଖରେ ଶିଶୁଟି ଶିଶୁ ଯତ୍ନ କେନ୍ଦ୍ରରେ ଥିବା ବେଳେ ତା’ ମୁଣ୍ଡକୁ ପେନ୍ରେ ଅନେକ ଥର ଛୁରା ମାଡ଼ କରିଥିବା ଅଭିଯୋଗ ହୋଇଥିଲା। ଫଳରେ ବାଳକଟିର ମୁଣ୍ଡରେ ୧ ସେଣ୍ଟିମିଟର ଲମ୍ବାର କ୍ଷତ, ଆଖି ଉପରେ ୨ ସେଣ୍ଟିମିଟର ଲମ୍ବା କ୍ଷତ ଓ ମୁଣ୍ଡରେ ୧.୫ ସେଣ୍ଟିମିଟର ଲମ୍ବା କ୍ଷତ ହୋଇଥିଲା।
ମହିଳା ଜଣକ ଅଦାଲତରେ ତାଙ୍କର ଦୋଷ ସ୍ୱୀକାର କରିବେ ବୋଲି ସଙ୍କେତ ଦେଇଥିବା ସିଙ୍ଗାପୁର ପୁଲିସ କର୍ତ୍ତୃପକ୍ଷ କହିଛନ୍ତି।