ବୋନସ ଆକାରରେ କର୍ମଚାରୀମାନଙ୍କୁ କାର୍ ଓ ଘର ଦେଉଥିବା ସାବଜୀ ଢ଼ୋଲକିଆ ନିଜ ପୈତୃକ ଗାଁର ଏହି ସମସ୍ୟାକୁ କଲେ ଦୂର
ନୂଆଦିଲ୍ଲୀ : ନିଜ କର୍ମଚାରୀମାନଙ୍କ ବୋନସରେ କାର୍ ଓ ଘର ଦେଉଥିବା ହୀରା ବ୍ୟବସାୟୀ ସାବଜୀ ଢ଼ୋଲକିଆଙ୍କୁ ତ ଆପଣମାନେ ଜାଣିଥିବେ । ପୂର୍ବରୁ ସେ ନିଜର ଏଭଳି କାମ ପାଇଁ ଚର୍ଚ୍ଚାକୁ ଆସିଥିଲେ । ଏବେ ସେ କରିଥିବା ଆଉ ଏକ କାମ ତାଙ୍କୁ ପ୍ରଶଂସାର ପାତ୍ର ବନାଇଛି । ନିଜ ପୈତୃକ ଗାଁରେ ଥିବା ସବୁଠାରୁ ବଡ଼ ସମସ୍ୟାର ସମାଧାନ କରି ସେ ଏବେ ଆଲୋଚନା ବିଷୟ ପାଲଟିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗୁଜୁରାଟର ଦୁଧାଲା ସାବଜୀଙ୍କ ପୈତୃକ ଗାଁ ହୋଇଥିବା ବେଳେ ସେଠାରେ ଲୋକେ ପାଣି ପାଇଁ ଡ଼ହଳ ବିକଳ ହେଉଥିଲେ । ଲୋକମାନଙ୍କ ସମସ୍ୟାକୁ ବୁଝିବା ପରେ ସାବଜୀ ଗାଁ ଲୋକମାନଙ୍କ ପାଇଁ ପୋଖରୀ ଖୋଳିବାକୁ ଚିନ୍ତା କରିଥିଲେ । ଏବେ ଦୁଧାଲାରେ ସେ ୪୫ଟି ପୋଖରୀ ଖୋଳି ସାରିଥିବା ବେଳେ ୭୦ଟି ପୋଖରୀ ଖୋଳିବା ଆଶାରେ କାମ ଆରମ୍ଭ କରିଛନ୍ତି । ଚଳିତ ବର୍ଷ ସେ ୨୫ଟି ପୋଖରୀ ଖୋଳିବା କାମ ଶେଷ କରିବେ ବୋଲି କହିଛନ୍ତି । ତେବେ ନିଜ ମା’ଙ୍କ ପାଇଁ ସାବଜୀ ଏ ସବୁ କରୁଥିବା ଜଣା ପଡ଼ିଛି । ସାବଜୀ ଛୋଟ ଥିବା ବେଳେ ତାଙ୍କ ମା’ କିପରି ଟୋପାଏ ପାଣି ପାଇଁ ଭଗବାନକୁ ପ୍ରାର୍ଥନା କରୁଥିଲେ ତାହା ଦେଖି ସେ ଏବେ ଲୋକମାନଙ୍କ ପାଣି ସମସ୍ୟା ଦୂର କରିବାରେ ଲାଗି ପଡ଼ିଛନ୍ତି ।