ଛତିଶଗଡ଼ରେ ନୂଆଁଖାଇ ଛୁଟି
ସମ୍ବଲପୁର: ମହାନ ଗଣପର୍ବ ନୂଆଁଖାଇ ଉପଲକ୍ଷେ ପଡ଼ୋଶୀ ରାଜ୍ୟ ଛତିଶଗଡ଼ରେ ସରକାରୀ ଛୁଟି ଘୋଷଣା ହୋଇଛି। ଆସନ୍ତା ୧ ତାରିଖ ଗୁରୁବାର ଦିନକୁ ଛତିଶଗଡ଼ ସରକାର ନୂଆଁଖାଇ ପାଇଁ ଇଚ୍ଛାଧୀନ ଅବକାଶ ଘୋଷଣା କରିଛନ୍ତି। ପୂର୍ବରୁ ଛତିଶଗଡ଼ ସରକାରଙ୍କ ତରଫରୁ ଭୁଲ କ୍ରମେ ସେପ୍ଟେମ୍ବର ୩ ତାରିଖରେ ଏହି ଛୁଟି ଦିଆ ଯାଇଥିଲା। କିନ୍ତୁ ଏବେ ସାନି ସଂଶୋଧିତ ବିଜ୍ଞପ୍ତିରେ ୩ ବଦଳରେ ୧ ତାରିଖରେ ନୂଆଁଖାଇ ଛୁଟି ଘୋଷଣା କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ, ଛତିଶଗଡ଼ରେ ଲକ୍ଷଲକ୍ଷ ସଂଖ୍ୟାରେ ଓଡ଼ିଆ ଲୋକ ବସବାସ କରନ୍ତି। ପଶ୍ଚିମ ଓଡ଼ିଶା ସହ ଛତିଶଗଡ଼ର ଭାବଗତ ସଂପର୍କ ରହିଛି। ଛତିଶଗଡ଼ର ବହୁ ସୀମାନ୍ତ ଜିଲ୍ଲାର ସଂସ୍କୃତି, ପରଂପରା, ଚାଲିଚଲଣ ଓ ପର୍ବପର୍ବାଣି ପଶ୍ଚିମ ଓଡ଼ିଶା ସହ ସମାନ ହୋଇଥିବାରୁ ସେଠାକାର ଲୋକେ ବି ନୂଆଁଖାଇକୁ ପ୍ରମୁଖତାର ସହ ପାଳନ କରିଥାଆନ୍ତି। ସେହି କାରଣରୁ ସେଠାକାର ସରକାର ପୂର୍ବରୁ ନୂଆଁଖାଇକୁ ଇଚ୍ଛାଧୀନ ଛୁଟି ଦେଇ ଆସୁଛନ୍ତି।