ଖୋର୍ଦ୍ଧା: ଖୋର୍ଦ୍ଧା ଦେଇ ଯାଇଥିବା ୧୬ ନମ୍ବର ଜାତୀୟ ରାଜପଥର ଗଡ଼ଖୋର୍ଦ୍ଧା ଓ ବାଟମଣ୍ଡଳା ଠାରେ ଅଣ୍ଡରପାସ ନିର୍ମାଣ କରିବାକୁ ଦୀର୍ଘ ଦିନ ଧରି ଦାବି ହୋଇଆସୁଥିଲା । ଏନେଇ କେନ୍ଦ୍ର ସରକାର ୭ କୋଟି ଟଙ୍କା ମଂଜୁର କରିଥିବା ନେଇ ଭୁବନେଶ୍ବର ସାଂସଦ ଅପରାଜିତା ଘୋଷଣା କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତକାଲି ଗଡ଼ଖୋର୍ଦ୍ଧା ଛକ ଠାରେ ଅନୁଷ୍ଠିତ ଏକ କାର୍ଯ୍ୟକ୍ରମରେ ସାଂସଦ ଅପରାଜିତା ଷଡ଼ଙ୍ଗୀ, ଜାତୀୟ ରାଜପଥ ପ୍ରାଧୀକରଣର ଆଂଚଳିକ ଅଧିକାରୀ ପ୍ରମୁଖ ଉପସ୍ଥିତ ଥିଲେ । ଏହି ଅବସରରେ ସାଂସଦ ଶ୍ରୀମତୀ ଷଡ଼ଙ୍ଗୀ କହିଛନ୍ତି ଯେ ସେ ଲୋକଙ୍କ ଆବଶ୍ୟକତାକୁ ଦୃଷ୍ଟିରେ ରଖି ସାଧାରଣ ଲୋକଙ୍କ ଦାବିକୁ କେନ୍ଦ୍ର ଭୂପୃଷ୍ଠ ପରିବହନ ମନ୍ତ୍ରୀ ନିତିନ ଗଡ଼କରୀଙ୍କ ନିକଟରେ ଉପସ୍ଥାପିତ କରିଥିଲେ । କେନ୍ଦ୍ରମନ୍ତ୍ରୀ ଗଡ଼ଖୋର୍ଦ୍ଧା ଓ ବାଟମଙ୍ଗଳା ଠାରେ ଅଣ୍ଡରପାସ ନିର୍ମାଣ କରିବାକୁ ୭ କୋଟି ଟଙ୍କା ମଂଜୁର କରିବାକୁ ସ୍ୱୀକୃତି ଦେଇଛନ୍ତି । ଏହାପରେ ସେ ଜାତୀୟରାଜପଥର ଅଧିକାରୀଙ୍କ ସହ ଆଲୋଚନା କରିଛନ୍ତି । ଜାତୀୟ ରାଜପଥ ପ୍ରାଧୀକରଣ ମଧ୍ୟ ଆସନ୍ତା ୭ ଦିନ ମଧ୍ୟରେ କାର୍ଯ୍ୟ ଆରମ୍ଭ କରିବା ସହ ଜୁନ୍ ୩୦ ତାରିଖ ମଧ୍ୟରେ କାର୍ଯ୍ୟ ଶେଷ କରିବାକୁ ପ୍ରତିଶ୍ରୁତି ଦେଇଛନ୍ତି ।
ଏହି କାର୍ଯ୍ୟକ୍ରମରେ ସଭାରେ ଖୋର୍ଦ୍ଧାା ବିକାଶ ମଂଚର ସଭାପତି ନରେନ୍ଦ୍ର ପୃଷ୍ଟି ଅଧ୍ୟକ୍ଷତା କରିଥିଲେ । ଅନ୍ୟମାନଙ୍କ ମଧ୍ୟରେ ଓକିଲ ସଂଘ ସଭାପତି ବିଜୟ ସାମନ୍ତସିଂହାର, ଉପସଭାପତି ପ୍ରଭାତ ବେହେରା, ବିଚିତ୍ର ବଡ଼ଜେନା, ବିମଳ ଷଡ଼ଙ୍ଗୀ, ଜିଲ୍ଲା ବିଜେପି ସଭାପତି ରଶ୍ମୀରଂଜନ ମହାପାତ୍ର, ସ୍ଥାନୀୟ କାଉନ୍ସିଲର୍ କମଳ ପ୍ରଧାନ ଓ ସୁଶାନ୍ତ ଜେନା, ଏମ୍ଡି କାଲାମ, ଗୋପାଳକୃଷ୍ଣ ଦାସ, ପ୍ରଫୁଲ୍ଲ ଜେନା, ଗିରିଜା ଦାସ, ହେମନ୍ତ ପାତ୍ର, ନଗେନ୍ଦ୍ର ଚମ୍ପତ୍ତି, ଖୋର୍ଦ୍ଧା ବ୍ଲକ ଉପାଧ୍ୟକ୍ଷ ପ୍ରକାଶ ସାମନ୍ତରା, ବିପ୍ର ବେହେରା, ସଂଜୟ ପଟ୍ଟନାୟକ, ଶିଶିର ପରିଡ଼ା, ପ୍ରମୁଖ ଉପସ୍ଥିତ ଥିଲେ ।