ଦିଲ୍ଲୀରେ ମହିଳା ଡ଼ାକ୍ତରଙ୍କ ଗଳା କାଟି ହତ୍ୟା, ୨ସନ୍ଦିଗ୍ଧ ବନ୍ଧୁ ଫେରାର
ନୂଆଦିଲ୍ଲୀ : ଉତ୍ତର ଦିଲ୍ଲୀରେ ରହୁଥିବା ଜଣେ ୨୫ବର୍ଷୀୟ ମହିଳା ଡ଼ାକ୍ତରଙ୍କ ଗଳା କାଟି ହତ୍ୟା କରାଯାଇଛି । ମଙ୍ଗଳବାର ରାତିରେ ଏହି ଘଟଣା ଘଟିଥିବା ବେଳେ ମୃତ ମହିଳାଙ୍କ ଘର ପାଖରେ ରହୁଥିବା ଦୁଇ ଯୁବକ ଫେରାର ଅଛନ୍ତି । ମୃତ ମହିଳାଙ୍କ ନାଁ ଗରିମା ମିଶ୍ରା ବୋଲି ଜଣା ପଡ଼ିଛି । ତେବେ ଫେରାର ଥିବା ୨ଯୁବକଙ୍କ ମଧ୍ୟରୁ ଜଣେ ମହିଳାଙ୍କ ବନ୍ଧୁଥିଲେ ବୋଲି କହିଛି ପୁଲିସ । ଫେରାର ଥିବା ଦୁଇ ଯୁବକ ମଧ୍ୟ ଡ଼ାକ୍ତରୀ ଛାତ୍ର ବୋଲି ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ପୁଲିସ ଦେଇଥିବା ସୂଚନା ମୁତାବକ, ଉତ୍ତରପ୍ରଦେଶର ଗୋରଖପୁରରେ ରହୁଥିବା ଡ଼ାକ୍ତର ଗରିମା ମିଶ୍ରା ଏମ୍ବିବିଏସ୍ ପରେ ଦିଲ୍ଲୀରେ ରହି ଏମ୍ଡି ପରୀକ୍ଷା ପାଇଁ ପ୍ରସ୍ତୁତି କରୁଥିଲେ । ମଙ୍ଗଳବାର ରାତିରେ ମୃତ ମହିଳାଙ୍କ ଦାଦା ପୁଅ ଭାଇ ତାଙ୍କୁ ଦେଖା କରିବା ପାଇଁ ଆସିବା ପରେ ଗରିମାଙ୍କୁ ରକ୍ତାକ୍ତ ଅବସ୍ତାରେ ତଳେ ପଡ଼ିଥିବାର ଦେଖିଥିଲେ । ଏ ନେଇ ପୁଲିସକୁ ଖବର ଦିଆଯିବା ପରେ ଏତଲା ରୁଜୁ କରି ଫେରାର ଥିବା ୨ଯୁବକଙ୍କୁ ଖୋଜିବା ଆରମ୍ଭ କରିଛି ପୁଲିସ ।