ମୋଦୀଙ୍କୁ ନେଇ ବିବାଦୀୟ ବୟାନ ଦେଲେ କମାଲ ଆର୍‌ ଖାନ୍‌, କହିଲେ; ପୁଣି ଥରେ ମୋଦୀ ପ୍ରଧାନମନ୍ତ୍ରୀ ହେଲେ କୋଟିପତି ସବୁ ଦେଶ ଛାଡ଼ି ଚାଲିଯିବେ

ନୂଆଦିଲ୍ଲୀ : ନିର୍ବାଚନର ତାରିଖ ଘୋଷଣା ହେବା ପରଠାରୁ ରାଜନୀତି ସହ ଜଡ଼ିତ ବିଭିନ୍ନ ବିଷୟକୁ ନେଇ କଟାକ୍ଷ କରି ଆସିଛନ୍ତି ବଲିଉଡ୍‌ ଅଭିନେତା କମାଲ ଆର୍‌ ଖାନ୍‌ । ଏବେ ସେ ପୁଣି ଥରେ ପ୍ରଧାନମନ୍ତ୍ରୀ ମୋଦୀଙ୍କୁ ଟାର୍ଗେଟ କରିଥିବା ଦେଖା ଯାଇଛି । ଗୋଟେ ପରେ ଗୋଟେ ଟୁଇଟ୍‌ କରି, ମୋଦୀ ପୁଣି ଥରେ ପ୍ରଧାନମନ୍ତ୍ରୀ ହେଲେ ଭାରତର ୧୦,୦୦୦କୋଟିପତି ଦୁବାଇ ଚାଲିଯିବେ ବୋଲି କହିଛନ୍ତି କମାଲ ।

ପ୍ରଥମ ଟୁଇଟ୍‌ରେ, ୫,୦୦୦ ଭାରତୀୟ କୋଟିପତି ୨୦୧୮ରେ ଭାରତ ଛାଡ଼ି ଦୁବାଇ ପଳାଇଥିଲେ । ଏହା ସହ ରୁଷର ୭,୦୦୦ ଏବଂ ଚୀନ୍‌ର ୧୫,୦୦୦କୋଟିପତି ମଧ୍ୟ ୨୦୧୮ରେ ଦୁବାଇ ଚାଲି ଯାଇଥିଲେ । ସବୁ କୋଟିପତିଙ୍କୁ ରହିବା ପାଇଁ ଏକ ସୁରକ୍ଷିତ ସ୍ଥାନ ଦରକାର । ତାହା ହେଉଛି ଦୁବାଇ ।

According to global wealth migration, 5000 Indian millionaires have moved to Dubai in 2018. While 7000 Russian and 15000 Chinese millionaires also have moved to Dubai in 2018. Every millionaire needs a safe heaven to live and UAE is the one.

— KRK (@kamaalrkhan) May 1, 2019

ଦ୍ୱିତୀୟ ଟୁଇଟ୍‌ରେ, ଯଦି ପୁଣି ଥରେ ମୋଦୀଜୀ ପ୍ରଧାନମନ୍ତ୍ରୀ ହୁଅନ୍ତି ତେବେ ଭାରତରୁ ୧୦,୦୦୦କୋଟିପତି ଭାରତ ଛାଡ଼ି ଦୁବାଇ ଚାଲିଯିବେ । ସବୁ ଧନୀ ଲୋକ ଶାନ୍ତିପୂର୍ଣ୍ଣ ବାତାବରଣରେ ରହିବାକୁ ଚାହାନ୍ତି । ଯେଉଁଠି ଲୋକେ ଧର୍ମ, ଜାତି, ଚାକିରି, ରାଜ୍ୟ ଏବଂ ଭାଷାକୁ ନେଇ ଝଗଡ଼ା କରୁଛନ୍ତି, ସେଭଳି ଦେଶରେ କୌଣସି ଧନୀ ଲୋକ ରହିବାକୁ ଚାହିଁବେ ନାହିଁ ବୋଲି ଲେଖିଥିଲେ କମାଲ ଆର୍‌ ଖାନ୍‌ ।

If Modi Ji will become PM again, then more 10,000 Indian millionaires will move to Dubai in 2019, like 2018 only. All the rich people like to stay in a peaceful environment. No rich person wants to stay in a place where people fight for religion, caste, state, jobs, languages etc

— KRK (@kamaalrkhan) May 1, 2019