ନୂଆଦିଲ୍ଲୀ: ନିଷିଦ୍ଧ ସଂଗଠନ ପପୁଲାର ଫ୍ରଣ୍ଟ ଅଫ୍ ଇଣ୍ଡିଆ (ପିଏଫ୍ଆଇ) ର ସଦସ୍ୟମାନଙ୍କୁ ବୁଧବାର ସୁପ୍ରିମକୋର୍ଟ ଏକ ବଡ଼ ଝଟକା ଦେଇଛନ୍ତି। ମାଡ୍ରାସ ହାଇକୋର୍ଟଙ୍କ ନିଷ୍ପତ୍ତିକୁ ଖାରଜ କରି କୋର୍ଟ ସମସ୍ତ ୮ ଅଭିଯୁକ୍ତ ସଦସ୍ୟଙ୍କ ଜାମିନ ଖାରଜ କରିଛନ୍ତି। ଏହି ଆଠ ଜଣ ଦେଶରେ ଆତଙ୍କବାଦୀ ଘଟଣା ଘଟାଇବାକୁ ଷଡଯନ୍ତ୍ର କରିଥିବା ଅଭିଯୋଗ ହୋଇଥିଲା । ମୋଦୀ ସରକାର ଏହି ସଂଗଠନ ଉପରେ ପ୍ରତିବନ୍ଧକ ଲଗାଇଛନ୍ତି | ସୁପ୍ରିମକୋର୍ଟରେ ଜଷ୍ଟିସ ବେଲା ମାଧୁର୍ଯ୍ୟ ତ୍ରିବେଦୀ ଏବଂ ଜଷ୍ଟିସ ପଙ୍କଜ ମିଥାଲଙ୍କ ଖଣ୍ଡପୀଠ କହିଛନ୍ତି ଯେ ଏହି ଅପରାଧୀଙ୍କୁ ମାତ୍ର ୧.୫ ବର୍ଷ ଜେଲ ଦଣ୍ଡାଦେଶ ହୋଇଛି।
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
ଏମାନଙ୍କ ନାମରେ ଯେଉଁ ଅଭିଯୋଗ ଆସିଛି ତାହା ସଂଗୀନ | ତେଣୁ ଏମାନଙ୍କୁ କିଭଳି ଜାମିନ ଦିଆଯାଇପାରିବ | ଏହା କହି ସର୍ବୋଚ୍ଚ ନ୍ୟାୟାଳୟ ଆଠଜଣ ଅପରାଧୀଙ୍କ ଜାମିନ ଖାରଜ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ଗତ ବର୍ଷ ଅକ୍ଟୋବରରେ ମାଡ୍ରାସ ହାଇକୋର୍ଟର ଜଷ୍ଟିସ୍ ଏସ ଏସ ସୁନ୍ଦରଙ୍କ ବେଞ୍ଚ କହିଥିଲେ ଯେ ଆତଙ୍କବାଦୀ ଗ୍ୟାଙ୍ଗ ସହ ଜଡିତ ଏହି ଆଠଜଣ ଅଭିଯୁକ୍ତଙ୍କ ବିରୋଧରେ କୌଣସି ପ୍ରମାଣ ନାହିଁ। ପ୍ରମାଣ ନଥିବାରୁ ସେମାନଙ୍କୁ ଜାମିନ ପ୍ରଦାନ କରାଯାଇଛି। ମାଡ୍ରାସ ହାଇକୋର୍ଟଙ୍କ ନିର୍ଦ୍ଦେଶ କ୍ରମେ ଜାମିନରେ ଥିବା ଏହି ୮ ଜଣ ଅଭିଯୁକ୍ତ ଯେଉଁଛନ୍ତି ବାରକାଥୁଲ୍ଲା, ଏମ ଅହମ୍ମଦ ଇଡ୍ରିସ୍, ମହମ୍ମଦ ଅବୁଥାହିର, ଖାଲିଦ ମହମ୍ମଦ, ସୟଦ ଇଶାକ, ଖାଜା ମୋହିଦ୍ଦିନ, ୟାସିର ଆରାଫତ ଏବଂ ଫାୟାଜ ଅହମ୍ମଦ।