ବ୍ରେକଅପକୁ ମାସେ ହେଲାଣି, ଏବେ କେବଳ କ୍ୟାମେରା ପାଇଁ ସାଙ୍ଗରେ ଅଛନ୍ତି କରଣ-ତେଜସ୍ୱୀ !
ମୁମ୍ବାଇ: କରଣ କୁନ୍ଦ୍ରା ଏବଂ ତେଜସ୍ୱୀ ପ୍ରକାଶ ଟେଲିଭିଜନ ଜଗତର ସବୁଠାରୁ ଲୋକପ୍ରିୟ ପ୍ରେମୀଯୁଗଳ | ରିଆଲିଟି ସୋ’ ବିଗ୍ ବସ୍ ସିଜନ୍ ୧୫ରେ ଉଭୟ କଳାକାର ସେମାନଙ୍କ ସମ୍ପର୍କ ପାଇଁ ଚର୍ଚ୍ଚାରେ ଥିଲେ | ସୋ’ ଶେଷ ହେବା ପରେ ବି ଉଭୟଙ୍କୁ ସାଥିରେ ଦେଖାଯାଇଥିଲା | କେବଳ ଏତିକି ନୁହେଁ ସୋସିଆଲ ମିଡିଆରେ ସେମାନଙ୍କ ବିବାହ ହେବ ବୋଲି କୁହାଯାଉଥିଲା | ହେଲେ ଏବେ ଦୁହେଁ ପରସ୍ପରଠାରୁ ଅଲଗା ହୋଇସାରିଥିବା କୁହାଯାଉଛି |
Sambad is now on WhatsApp
Join and get latest news updates delivered to you via WhatsApp
କରଣ କୁନ୍ଦ୍ରା ଏବଂ ତେଜସ୍ୱୀ ପ୍ରକାଶଙ୍କ ଜଣେ ବନ୍ଧୁ ନିଜ ନାମ ଗୋପନ ରଖି କହିଛନ୍ତି ଯେ, “କରଣ ଏବଂ ତେଜସ୍ୱୀ ଏବେ ଆଉ ପରସ୍ପରକୁ ଡେଟ କରୁନାହାଁନ୍ତି। ସେମାନଙ୍କ ବ୍ରେକଅପ୍ ହେବାର ଏକ ମାସରୁ ଅଧିକ ସମୟ ହୋଇଗଲାଣି | ଯଦିଓ ସେମାନଙ୍କ ବ୍ରେକଅପ୍ ହେବାର ପ୍ରକୃତ କାରଣ ଜଣା ପଡିନାହିଁ, ହେଲେ ମୁଁ ଯେତିକି ଜାଣିଛି କିଛି ଦିନ ହେଲା ସେମାନଙ୍କ ମଧ୍ୟରେ ଛୋଟ ଛୋଟ ଝଗଡା ହଉଥିଲା | ଦୁହେଁ ଏବେ ନିଜ ବ୍ରେକଅପ ହୋଇଥିବାର ଘୋଷଣା କରିବେ ନାହିଁ | କାରଣ ସେମାନଙ୍କ ପ୍ରଶଂସକ ସେମାନଙ୍କୁ ସାଙ୍ଗରେ ଦେଖିବାକୁ ପସନ୍ଦ କରୁଛନ୍ତି | ଏହି କାରଣରୁ ସେମାନେ ସାଙ୍ଗ ହୋଇ ବିଭିନ୍ନ ପାର୍ଟିକୁ ଯାଉଛନ୍ତି |”
ହେଲେ ଦୁହିଁକୁଙ୍କ ଟିମ ଏହି ଖବରକୁ ଅସ୍ବୀକାର କରିଛନ୍ତି | ଏପର୍ଯ୍ୟନ୍ତ କରଣ ଓ ତେଜସ୍ୱୀ ଏହି ଚର୍ଚ୍ଚା ଉପରେ କୌଣସି ପ୍ରତିକ୍ରିୟା ରଖିନାହାନ୍ତି |