ଚାଲାଣ ନ କଟିବା ସହ ଦୁର୍ଘଟଣାରୁ ରକ୍ଷା କରିବ ଗୁଗୁଲ ମ୍ୟାପ, ଜାଣନ୍ତୁ କେମିତି ବ୍ୟବହାର କରିବେ

ଆଜିର ସମୟରେ ଯଦି ଆପଣଙ୍କୁ କୌଣସି ସ୍ଥାନର ରାସ୍ତା ଜଣାନଥାଏ, ତେବେ ମୋବାଇଲରେ ଥିବା ଗୁଗୁଲ୍ ମ୍ୟାପ୍ସ ସାହାଯ୍ୟରେ ଆପଣ ସଠିକ ସ୍ଥାନରେ ପହଂଚିପାରନ୍ତି | ତେବେ ଗୁଗୁଲ ମ୍ୟାପ୍ସ କେବଳ ମାର୍ଗ ବିଷୟରେ ସଠିକ୍ ସୂଚନା ଦେଇନଥାଏ, ବରଂ ଲୋକଙ୍କୁ ଅଧିକ ଭ୍ରମଣ କରି ସମୟ ନଷ୍ଟ କରିବାକୁ ଦେଇନଥାଏ | ମୋଟ ଉପରେ କହିବାକୁ ଗଲେ ବର୍ତ୍ତମାନ ସମୟରେ ଏହା ଅତ୍ୟନ୍ତ ପ୍ରଭାବଶାଳୀ ବୈଶିଷ୍ଟ୍ୟ, ଯାହା ବର୍ତ୍ତମାନ ସମସ୍ତ ସ୍ଥାନରେ ବ୍ୟବହୃତ ହେଉଛି | କିନ୍ତୁ ଆପଣ ଜାଣିଛନ୍ତି କି ଗୁଗୁଲ୍ ମ୍ୟାପ୍ ମଧ୍ୟ ଦୁର୍ଘଟଣାକୁ ରୋକିଥାଏ? କେବଳ ଏତିକି ନୁହେଁ, ଏହା ଆପଣଙ୍କୁ ଟ୍ରାଫିକ୍ ଚାଲାଣ କାଟିବାରୁ ମଧ୍ୟ ବଞ୍ଚାଇଥାଏ |

ତେବେ ଗୁଗୁଲ ମ୍ୟାପ୍ସରେ ଥିବା ଏହି ବୈଶିଷ୍ଟ୍ୟ ବିଷୟରେ ଅନେକ ଲୋକ ଜାଣନ୍ତି ନାହିଁ | ଗୁଗୁଲ୍ ମ୍ୟାପ୍ସର ଏହି ବୈଶିଷ୍ଟ୍ୟର ନାମ ହେଉଛି ସ୍ପିଡ୍ ଲିମିଟ ୱାର୍ଣ୍ଣିଙ୍ଗ | ଏଥିରେ, ଗୁଗୁଲ୍ ମ୍ୟାପ୍ସ ଆପଣଙ୍କ ଯାନର ବେଗକୁ ମାପିଥାଏ ଏବଂ ଅଧିକ ବେଗରେ ଗାଡି ଗଲେ ଆପଣଙ୍କୁ ସତର୍କ କରାଏ | ଅଧିକ ବେଗରେ ଗାଡି ଯାଉଥିଲେ ଓ ଏହାକୁ ନିୟନ୍ତ୍ରଣ ନ କଲେ ଅଧିକାଂଶ ଦୁର୍ଘଟଣା ଘଟିଥାଏ | ଏପରି ପରିସ୍ଥିତିରେ, ଯଦି ଆପଣ ନିର୍ଦ୍ଦିଷ୍ଟ ବେଗରେ ଗାଡି ଚଲାନ୍ତି, ତେବେ ଦୁର୍ଘଟଣାର ସମ୍ଭାବନା ବହୁତ କମିଯାଏ | ବେଳେବେଳେ ଅଧିକ ବେଗରେ ଗାଡି ଚଳାଇବା ଦ୍ୱାରା ଟ୍ରାଫିକ୍ ପୁଲିସ୍ ଚାଲାଣ ମଧ୍ୟ କାଟିଥାନ୍ତି | କିନ୍ତୁ ଗୁଗୁଲ୍ ମ୍ୟାପର ସ୍ପିଡ୍ ଲିମିଟ୍ ଆଲର୍ଟ ଆପଣଙ୍କୁ ଚାଲାଣ କାଟିବା ସହ ଦୁର୍ଘଟଣାରୁ ରକ୍ଷା କରିଥାଏ |

କିଭଳି ବ୍ୟବହାର କରିବେ?
୧.ଗୁଗୁଲ୍ ମ୍ୟାପ୍ସକୁ ଅପଡେଟ୍ କରନ୍ତୁ ଓ ଗୁଗୁଲ୍ ମ୍ୟାପ୍ ଖୋଲନ୍ତୁ ଏବଂ ଡାହାଣ ପାର୍ଶ୍ୱରେ ଥିବା ପ୍ରୋଫାଇଲ୍ ଆଇକନ୍ ଉପରେ କ୍ଲିକ କରନ୍ତୁ |

୨. ଏହା ପରେ, ସେଟିଂକୁ ଯାଇ ନାଭିଗେସନ୍ ସେଟିଂ ଉପରେ କ୍ଲିକ କରନ୍ତୁ |

୩. ବର୍ତ୍ତମାନ ସ୍ପିଡ୍ ସେଟିଂ ଅପ୍ସନ୍ ସିଲେକ୍ଟ କରନ୍ତୁ |

୪. ଏହା ପରେ ସ୍କ୍ରିନର ତଳ ଭାଗକୁ ଯାଆନ୍ତୁ ଏବଂ ତଳକୁ ସ୍କ୍ରୋଲ୍ କରନ୍ତୁ ଏବଂ ଡ୍ରାଇଭିଂ ଅପ୍ସନ୍ ସିଲେକ୍ଟ କରନ୍ତୁ |
୫. ଶେଷରେ ସ୍ପିଡ୍ ଲିମିଟ ଏବଂ ସ୍ପିଡୋମିଟର ଅପ୍ସନ୍ ଟର୍ନ୍ ଅନ୍ କରନ୍ତୁ |

୬. ଏହା କରିବା ପରେ, ଗୁଗୁଲ୍ ମ୍ୟାପ୍ସର ଏହି ଟୁଲ୍ ଆପଣଙ୍କ ସ୍ମାର୍ଟଫୋନରେ ଟର୍ନ୍ ଅନ୍ ହେବ ଏବଂ ଆପଣ ସ୍ପିଡ୍ ଲିମିଟ ବିଷୟରେ ସୂଚନା ପାଇବା ଆରମ୍ଭ ହୋଇଯିବ |