ଟି-୨୦ରେ କ୍ରମାଗତ ୫ଥର ହାରିବା ପରେ ସଂଶୋଧନ ପାଇଁ ଭାରତୀୟ ମହିଳା ଟିମ୍ର ପ୍ରସ୍ତୁତି
ଗୌହାଟୀ: ଭାରତୀୟ ମହିଳା କ୍ରିକେଟ ଟିମ୍ ଇଂଲଣ୍ଡ ବିରୋଧରେ ଗୁରୁବାର ଦ୍ୱିତୀୟ ଟି-୨୦ ଅନ୍ତର୍ଜାତୀୟ ମ୍ୟାଚ୍ ଖେଳିବ। କ୍ରମାଗତ ୫ ଥର ପରାଜୟ ହେବା ପରେ ମହିଳା ଟିମ୍ ଭଲ ପ୍ରଦର୍ଶନ କରିବାକୁ ଉଦ୍ୟମ କରିବ। ଆସାମର ଗୌହାଟୀ ଷ୍ଟାଡିୟମ୍ରେ ଗୁରୁବାର ମ୍ୟାଚ୍ ଜିତିବା ପାଇଁ ଭାରତୀୟ ରଣନୀତି ପ୍ରସ୍ତୁତ କରୁଛି।
Sambad is now on WhatsApp
Join and get latest news updates delivered to you via WhatsApp
ପ୍ରଥମ ଟି-୨୦ରେ ଇଂଲଣ୍ଡ ବିରୋଧରେ ୪୧ ରନ୍ରେ ପରାସ୍ତ ହେବା ପରେ ଭାରତ ଏଯାଏଁ କ୍ରମାଗତ ୫ଥର ମ୍ୟାଚ୍ ହାରିଛି। ଅନ୍ୟପକ୍ଷରେ ଡବ୍ଲ୍ୟୁଭି ରମଣଙ୍କ ନେତୃତ୍ୱରେ ଭାରତୀୟ ଟିମକୁ ଆସନ୍ତା ବର୍ଷ ଆରମ୍ଭରେ ଅଷ୍ଟ୍ରେଲିଆରେ ଆୟୋଜିତ ଟି-୨୦ ବିଶ୍ୱକପ୍ ପୂର୍ବରୁ ସଂଶୋଧନ କରିବାକୁ ପଡ଼ିବ। ନ୍ୟୁଜିଲାଣ୍ଡରେ ଭାରତ ଦିନିକିଆ ଶୃଙ୍ଖଳାରେ ବିଜୟୀ ହେବା ପରେ ୩ ଟି-୨୦ ମୁକାବିଲାରେ ପରାସ୍ତ ହୋଇଥିଲା। ଏହା ପରେ ଇଂଲଣ୍ଡ ଠାରୁ ମଧ୍ୟ ପ୍ରଥମ ଟି-୨୦ରେ ପରାସ୍ତ ହୋଇଥିଲା।
ଇଂଲଣ୍ଡର ୪ ଓ୍ଵିକେଟ୍ରେ ୧୬୦ ରନ୍ ସ୍କୋର ପଛରେ ଗୋଡେଇ ଭାରତୀୟ ମହିଳା ଟିମ୍ ୧୧୯ ରନ୍ରେ ଅଲଆଉଟ୍ ହୋଇଥିଲା। ଭାରତୀୟ ଅଭିଜ୍ଞ କ୍ରିକେଟରମାନେ ଇଂଲଣ୍ଡର ବୋଲରମାନଙ୍କ ନିକଟରେ ଆତ୍ମସମର୍ପଣ କରିଥିଲେ।