ଘରେ ନିଆଁ ଲଗାଇଲା ଯୁବକ
ତେଲକୋଇ : ତେଲକୋଇ ଥାନା ଦୋବଲାପାଳ ଗ୍ରାମରେ ଜଣେ ମଦ୍ୟପ ଯୁବକ ନିଜ ଘରେ ନିଆଁ ଲଗାଇ ଦେଇଛି। ସକାଳେ ସମ୍ପୃକ୍ତ ଯୁବକ ଜଣକ ତେଲକୋଇ ଡାକ୍ତରଖାନାକୁ ଆସି ପାଟିତୁଣ୍ଡ କରିବା ପରେ ଘରକୁ ଯାଇ ଘର ବାଇକ୍ ଓ ଆସବାବପତ୍ରରେ ନିଆଁ ଲଗାଇ ଜାଳି ଦେଇଛି। ଖବର ପାଇ ଦମକଳବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଗ୍ରାମର ଶଙ୍କର୍ଷଣ ନାୟକଙ୍କ ପୁଅ ଦୀପକ କୁମାର ନାୟକ (୨୮) ରବିବାର ସକାଳେ ତେଲକୋଇ ଡାକ୍ତରଖାନାରେ ପହଞ୍ଚିଥିଲା। ସେଠାରେ କାର୍ଯ୍ୟରତ କର୍ମଚାରୀଙ୍କୁ ପାଟିତୁଣ୍ଡ କରିଥିଲା। ଏ ସମ୍ପର୍କରେ ଡାକ୍ତରଖାନା କର୍ତ୍ତୃପକ୍ଷ ଥାନାକୁ ଜଣାଇଥିଲେ। ପୁଲିସ ପହଞ୍ଚିବା ପରେ ସମ୍ପୃକ୍ତ ଯୁବକ ଚମ୍ପଟ ମାରିଥିଲା। ପରେ ଦୀପକ ଘରକୁ ଯାଇ ପରିବାର ଲୋକଙ୍କ ସହ ପାଟିତୁଣ୍ଡ କରିଥିଲା। ଘରେ ଥିବା ଗୋଟିଏ ବାଇକ୍ ଓ ଆସବାବପତ୍ରରେ ନିଆଁ ଲଗାଇ ଦେଇଥିଲା। ଅଗ୍ନିକାଣ୍ଡରେ ୩ ବଖରା ଚାଳଘର ପୋଡ଼ି ପାଉଁଶ ହୋଇଯାଇଛି। ଅଗ୍ନିଶମ ବାହିନୀ ଓ ପୁଲିସ ପହଞ୍ଚି ନିଆଁକୁ ଆୟତ୍ତ କରିବା ସହିତ ସଂପୃକ୍ତ ଯୁବକକୁ କାବୁ କରିଛନ୍ତି।