କଳାପଥର ବୋଝେଇ ୨ ହାଇୱା ଜବତ, ୨ ଗିରଫ
ଧର୍ମଶାଳା: ଜେନାପୁର ଥାନା ଅନ୍ତର୍ଗତ ଚଢ଼େଇଧରା ଛକ ନିକଟରେ ବେଆଇନ ଭାବେ କଳାପଥର ପରିବହନ କରୁଥିବା ୨ଟି ହାଇୱାକୁ ପୁଲିସ୍ ଜବତ କରିଛି। ଜବତ ହାଇୱା ଚାଳକ ଇନ୍ଦ୍ରମଣି ହାଂସଦା ଓ ଶିବୁ ସୋରେନ୍କୁ ଗିରଫ କରାଯାଇଛି। ପ୍ରକାଶ ଯେ, ୫୩ ନମ୍ବର ଜାତୀୟ ରାଜପଥରେ ଗତକାଲି ରାତିରେ ଜେନାପୁର ପୁଲିସ୍ ପାଟ୍ରୋଲିଂ କରୁଥିବା ବେଳେ ଚଢେ଼ଇଧରା ନିକଟରେ କଳାପଥର ବୋଝେଇ ୨ଟି ହାଇୱା ଓଡି-୦୪ଆର-୭୪୩୮ ଓ ଓଡି-୦୪ଆର-୭୪୦୪କୁ ଅଟକାଇଥିଲା।
Sambad is now on WhatsApp
Join and get latest news updates delivered to you via WhatsApp
କଳାପଥର ପରିବହନ ପାଇଁ ଚାଳକମାନେ ଆବଶ୍ୟକ କାଗଜପତ୍ର ଦେଖାଇ ପାରିନଥିଲେ। ଫଳରେ ହାଇୱା ଦୁଇଟିକୁ ଜବତ କରାଯିବା ସହ ଚାଳକଙ୍କୁ ଗିରଫ କରାଯାଇଥିଲା। ପୁଲିସ୍ ୨୬୮/୨୨ରେ ମାମଲା ରୁଜୁ କରି ଉଭୟ ଚାଳକଙ୍କୁ ଆଜି ଚଣ୍ତିଖୋଲ କୋର୍ଟଚାଲାଣ କରିଥିବା ଥାନା ଅଧିକାରୀ ଉମାକାନ୍ତ ନାୟକ ସୂଚନା ଦେଇଛନ୍ତି।