ନୂଆଦିଲ୍ଲୀ: ରେଳବାଇ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ପଶ୍ଚିମବଙ୍ଗର ରାଣୀପାତ୍ର ରେଳ ଷ୍ଟେସନ ଏବଂ ଛତ୍ରହାଟ ଜଙ୍କସନ ମଧ୍ୟରେ ଏକ ମାଲବାହୀ ଟ୍ରେନ୍ ସିଆଲଦା କଞ୍ଚନଜଙ୍ଗା ଏକ୍ସପ୍ରେସକୁ ପଛପଟୁ ଧକ୍କା ଦେଇଛି। ଟ୍ରେନ୍ ନମ୍ବର ୧୩୧୭୪ (ସିଆଲଦା କଞ୍ଚନଜଙ୍ଗା ଏକ୍ସପ୍ରେସ୍) ସକାଳ ୮ଟା ୨୭ମିନିଟରେ ରଙ୍ଗପାଣି ଷ୍ଟେସନରୁ ବାହାରି ରାଣୀପାତ୍ର ରେଳ ଷ୍ଟେସନ ଓ ଛତ୍ରହାଟ ମଧ୍ୟରେ ଅଟକିଥିଲା।
Sambad is now on WhatsApp
Join and get latest news updates delivered to you via WhatsApp
ରେଳବାଇର ଅନ୍ୟ ଜଣେ ଅଧିକାରୀଙ୍କ କହିବା ଅନୁଯାୟୀ, ଯେତେବେଳେ ସ୍ୱୟଂଚାଳିତ ସିଗନାଲ ବ୍ୟବସ୍ଥା ବିଫଳ ହୁଏ, ଷ୍ଟେସନ ମାଷ୍ଟର ଟିଏ ୯୧୨ ନାମକ ଏକ ଲିଖିତ କର୍ତ୍ତୃପକ୍ଷ ଜାରି କରନ୍ତି, ଯାହା ଡ୍ରାଇଭରଙ୍କୁ ତ୍ରୁଟି କାରଣରୁ ସେକ୍ସନରେ ଥିବା ସମସ୍ତ ରେଡ୍ ସିଗନାଲ୍ ଅତିକ୍ରମ କରିବାକୁ ଅଧିକାର ଦେଇଥାଏ।
ରାଣୀପାତ୍ରର ଷ୍ଟେସନ ମାଷ୍ଟର ଟ୍ରେନ୍ ନମ୍ବର ୧୩୭୪ (ସିଆଲଦା କଞ୍ଚନଜଙ୍ଗା ଏକ୍ସପ୍ରେସ)କୁ ଟିଏ ୯୧୨ ପ୍ରଦାନ କରିଥିଲେ।
ସେହି ସମୟରେ ଜିଏଫସିଜେ ନାମକ ଏକ ମାଲବାହୀ ଟ୍ରେନ୍ ସକାଳ ୮ଟା ୪୨ମିନିଟରେ ରଙ୍ଗପାଣିରୁ ବାହାରି ୧୩୧୭୪ ଟ୍ରେନ୍କୁ ପଛ ପଛପଟୁ ଧକ୍କା ଦେଇଥିଲା। ଫଳରେ ଗାର୍ଡ କୋଚ୍, ଦୁଇଟି ପାର୍ସଲ କୋଚ୍ ଓ ଗୋଟିଏ ଜେନେରାଲ ସିଟିଂ କୋଚ୍ ଲାଇନଚ୍ୟୁତ ହୋଇଥିଲା।
ରେଳବାଇ ବୋର୍ଡ ଏହାର ପ୍ରାରମ୍ଭିକ ବିବୃତିରେ କହିଛି ଯେ ମାଲବାହୀ ଟ୍ରେନର ଡ୍ରାଇଭର ସିଗନାଲ ଉଲ୍ଲଂଘନ କରିଛନ୍ତି। ଏଥିରେ ସମୁଦାୟ ମୃତ୍ୟୁ ସଂଖ୍ୟା ୭ବୋଲି ଆକଳନ କରାଯାଇଛି। ତେବେ ଏହା ୧୫ରୁ ଅଧିକ ହୋଇପାରେ ବୋଲି କିଛି ସ୍ଥାନୀୟ ଅଧିକାରୀ କହିଛନ୍ତି।
ଦ୍ରୁତ ଗତିରେ ତ୍ରୁଟିପୂର୍ଣ୍ଣ ସିଗନାଲ ଅତିକ୍ରମ କରିବା ପାଇଁ ମାଲବାହୀ ଟ୍ରେନକୁ ଟିଏ ୯୧୨ ଦିଆଯାଇଥିଲା ନା ଲୋକୋ ପାଇଲଟ ହିଁ ତ୍ରୁଟିପୂର୍ଣ୍ଣ ସିଗନାଲ ନିୟମ ଉଲ୍ଲଂଘନ କରିଥିଲେ ତାହା କେବଳ ତଦନ୍ତରୁ ଜଣାପଡ଼ିବ ବୋଲି ସୂତ୍ରରୁ ପ୍ରକାଶ।
ଯଦି ଏପରି ହୁଏ, ତେବେ ଡ୍ରାଇଭର ପ୍ରତ୍ୟେକ ଖରାପ ସିଗନାଲରେ ଏକ ମିନିଟ୍ ପାଇଁ ଟ୍ରେନ୍କୁ ଅଟକାଇ ୧୦ କିଲୋମିଟର ବେଗରେ ଆଗକୁ ବଢ଼ିବାର ଥିଲା।