ମୁମ୍ବାଇ: ଗୁଗୁଲ୍ ପେ’ର ୩ଟି ନୂଆ ଫିଚର ଆସିଛି। ଏହାର ସାହାଯ୍ୟରେ ଦେୟ ଦେବା ଅତି ସହଜ ହେବ। କାରଣ ଏଥିରେ ଏକ ନୂଆ ଫିଚର ରହିଛି ଯାହାର ନାଁ ହେଉଛି ‘ବାୟ ନାଓ ପେ ଲାଟର’ ( ଏବେ କିଣନ୍ତୁ ପଛରେ ପେମେଣ୍ଟ କରିବେ ) । ଅର୍ଥାତ୍ ଆପଣ ଅନଲାଇନରେ କୌଣସି ପେମେଣ୍ଟ କଲେ ଏହି ଫିଚର ଯଦି ବ୍ୟବହାର କରୁଛନ୍ତି ତେବେ ଆପଣଙ୍କ ବ୍ୟାଙ୍କ ଆକାଉଣ୍ଟରୁ କୌଣସି ଟଙ୍କା କଟିବ ନାହିଁ । ଅବଶ୍ୟ ଆପଣ ପରେ ଏହି ପରିମାଣ ପରିଶୋଧ କରିପାରିବେ କିମ୍ବା କିସ୍ତି ମାଧ୍ୟମରେ ପରିଶୋଧ କରିପାରିବେ । ଅନ୍ୟପ୍ରକାରେ କହିଲେ ଏହା ଏକପ୍ରକାରର କ୍ରେଡିଟ କାର୍ଡର ସେବା ପ୍ରଦାନ କରିବ । ଖାଣ୍ଟି ଓଡିଆରେ କହିଲେ ବାକିରେ ପେମେଣ୍ଟ କରିହେବ ।
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
କିଛି ଦିନ ପୂର୍ବେ ଗୁଗୁଲ ଦ୍ୱାରା ୱାଲେଟ୍ ଆପ୍ ଲଞ୍ଚ କରାଯାଇଥିଲା। ଏହା ଏକ ଡିଜିଟାଲ୍ ୱାଲେଟ୍ ଯାହା ଏବେ ଅନେକ ଲୋକ ବ୍ୟବହାର କରୁଛନ୍ତି | ଆପଣ ଏଥିରେ ସମସ୍ତ କାର୍ଡ ବିବରଣୀ ଯୋଡିପାରିବେ । ଥରେ ଆପଣ ଏହା କରିବା ପରେ ଆପଣଙ୍କୁ ଅଧିକ ଚିନ୍ତା କରିବାର ଆବଶ୍ୟକତା ନାହିଁ । ଆପଣ ଏହାକୁ ପେମେଣ୍ଟ ଆପ୍ ସହିତ ମଧ୍ୟ ସଂଯୋଗ କରିପାରିବେ ଏବଂ ଏହା ପରେ ଆପଣଙ୍କ ପାଇଁ ଦେୟ ଦେବା ଅତି ସହଜ ହେବ ।