କିଙ୍ଗ ଖାନ ଦେଇଥିବା ଏହି ପରାମର୍ଶକୁ ଅଭିଷେକ ସର୍ବଦା ଅନୁସରଣ କରନ୍ତି

ନୂଆଦିଲ୍ଲୀ: ଅଭିନେତା ଅଭିଷେକ ବଚ୍ଚନ ତାଙ୍କ ୱେବ୍ ସିରିଜ୍ ‘ବ୍ରିଦ: ଇଣ୍ଟୁ ଦ ସେଡୋଜ’ର ସିଜନ୍ ୨ ପାଇଁ ଚର୍ଚ୍ଚାରେ ରହିଛନ୍ତି। ଏହି ସିରିଜ୍ ଓଟିଟି ପ୍ଲାଟଫର୍ମ ଆମାଜନ ପ୍ରାଇମ ଭିଡିଓରେ ମୁକ୍ତିଲାଭ କରିଛି।

ଅଭିଷେକ ବଚ୍ଚନ ମଧ୍ୟ ‘ବ୍ରିଦ: ଇଣ୍ଟୁ ଦ ସ୍ୟାଡୋଜ୍’ର ସିଜିନ୍-୨’ କୁ ଜୋରଦାର ପ୍ରଚାର କରୁଛନ୍ତି। ୱେବ୍ ସିରିଜର ପ୍ରମୋସନ ସମୟରେ ସେ ନିଜ ବିଷୟରେ ମଧ୍ୟ ବିଶେଷ କଥା ପ୍ରକାଶ କରୁଛନ୍ତି । ଏହି କ୍ରମରେ ଜୁନିଅର ବଚ୍ଚନ ପ୍ରକାଶ କରିଛନ୍ତି ଯେ ତାଙ୍କ ପ୍ରାରମ୍ଭିକ କ୍ୟାରିଅରରେ କିଙ୍ଗ ଖାନ ଅର୍ଥାତ୍ ଶାହାରୁଖ ଖାନ ତାଙ୍କୁ ବିଶେଷ ପରାମର୍ଶ ଦେଇଥିଲେ, ଯାହା ସେ ତାଙ୍କ ଜୀବନରେ ସର୍ବଦା ଅନୁସରଣ କରି ଆସୁଛନ୍ତି।

ଅଭିଷେକ ବଚ୍ଚନ ନିକଟରେ ତାଙ୍କ କ୍ୟାରିୟର ବିଷୟରେ ଏକ ବଡ଼ କଥା କହିଥିଲେ। ଅଭିଷେକ ବଚ୍ଚନଙ୍କୁ ପଚରାଯାଇଥିଲା କି ସେ କୌଣସି ବିଶେଷ ତଥା ମୁଖ୍ୟ ଭୂମିକାକୁ ଅପେକ୍ଷା କରିଛନ୍ତି କି? ଏହା ଉପରେ ସେ କହିଥିଲେ, ‘ମୋ କ୍ୟାରିୟରର ପ୍ରାରମ୍ଭିକ ବର୍ଷରେ ଶାହରୁଖ ଖାନ ଜୀ ଏହି ଧାରଣାକୁ ମୋତେ ସଠିକ୍ ଭାବରେ ବୁଝାଇ ଦେଇଥିଲେ। ବାସ୍ତବରେ, ଦିନେ ଯେତେବେଳେ ଆମେ ଦୁହେଁ ଚାଟିଂ କରୁଥିଲୁ ଏବଂ ମୁଁ ତାଙ୍କୁ ଏହି ପ୍ରଶ୍ନ ପଚାରିଥିଲି ଯେ ତୁମେ ଏକ ଆଶ୍ଚର୍ଯ୍ୟଜନକ କାର୍ଯ୍ୟ କରିଛ, ତୁମ ପସନ୍ଦର କାମ କ’ଣ? ଆଉ ସମସ୍ତ ଭୂମିକାକୁ କିପରି କର?

ଶାହାରୁଖ ଏହାର ଉତ୍ତରରେ କହିଥିଲେ ଯେ, ‘ମୁଁ ବର୍ତ୍ତମାନ ଯାହା କାମ ଏବଂ ଭୂମିକା ନେଉଛି! ସବୁବେଳେ ଆପଣଙ୍କୁ ମନେ ପକାଇବ ଯେ ଆପଣ ଜଣେ କଳାକାର । ନିଜକୁ ପଚାର ତୁମେ ବର୍ତ୍ତମାନ ଯେଉଁ କାମ କରୁଛ, ତାହା ଯଦି ତୁମର ପ୍ରିୟ ନୁହେଁ, ତୁମେ ଏହାକୁ କାହିଁକି କରୁଛ? ଭବିଷ୍ୟତରେ କ’ଣ ଘଟିବାକୁ ଯାଉଛି ତାହା ଉପରେ ଧ୍ୟାନ ଦିଅନ୍ତୁ ନାହିଁ । କେବଳ ତୁମର ବର୍ତ୍ତମାନ ଉପରେ ଧ୍ୟାନ ଦିଅ ଏବଂ ଏହାକୁ ତୁମର ୧୦୦ ପ୍ରତିଶତ ଦିଅ।’

ସେବେଠାରୁ ମୁଁ ମୋ ଜୀବନରେ ଏହି ପରାମର୍ଶ ଯୋଡିଛି ବୋଲି ଅଭିଷେକ କହିଛନ୍ତି।