୭ ଦିନ ମଧ୍ୟରେ ଦାବି ପୂରଣ ନ ହେଲେ ଧାମରା ରେଳପଥକୁ ସଂପୂର୍ଣ୍ଣ ଅଚଳ କରିଦେବାକୁ ଚେତାବନୀ
ଭଦ୍ରକ: ଜମିହରା ପରିବାରକୁ ନିଯୁକ୍ତି ଓ ଆତ୍ମନିଯୁକ୍ତି ପ୍ରଦାନ କରିବା ଦାବିରେ ଧାମରା ରେଳଲାଇନରେ ରେଳରୋକ କରାଯାଇଥିଲା। ଧାମରା ରେଳ ଲାଇନର ଏଲସି-5 ଠାରେ ଓଭର ବ୍ରିଜ ନିର୍ମାଣ, ଧାମରାରୁ ଆସୁଥିବା କୋଇଲା ଡବା ଆବଦ୍ଧ ନଥିବାରୁ କୋଇଲା ଗୁଣ୍ଡ ଉଡି ପରିବେଶ ଖରାପ ହେବା, କେଦାରପୁର, ଜିତାନଗା, ବ୍ରହ୍ମପୁର ଓ ତାରଗଣ ମୌଜାରେ ଜମିହରା ମାନଙ୍କୁ ସେରପୁର ଓ ସରଗଢ଼ିଆ ମୌଜାର ଜମିହରାମାନେ ପାଇଥିବା କ୍ଷତିପୂରଣ ହାରରେ କମ୍ପାନି ଅନ୍ୟ ଜମିହରାମାନଙ୍କୁ ଯଥା ଶୀଘ୍ର ଅର୍ଥ ପ୍ରଦାନକରିବା ଭଳି ୪ ଦଫା ଦାବି ନେଇ ଆଜି ସର୍ବହରା ଚାଷୀ କମିଟି ପକ୍ଷରୁ ସଭାପତି ଭାରତ ତ୍ରିପାଠୀଙ୍କ ନେତୃତ୍ୱରେ ବହୁ ଚାଷୀ ଯୋଗ ଦେଇ ଧାମରା ରେଳପଥ ବନ୍ଦ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ତେବେ ଆସନ୍ତା ୭ ଦିନ ମଧ୍ୟରେ ଏସବୁ ଦାବି ପୂରଣ ନ ହେଲେ ଧାମରା ରେଳପଥକୁ ସଂପୂର୍ଣ୍ଣ ଭାବେ ଅଚଳ କରିଦେବାର ଚେତାବନୀ ଦେଇଛି ସର୍ବହରା ଚାଷୀ କମିଟି। ଧାମରା ବନ୍ଦର କମ୍ପାନୀ ର ମନମୁଖୀ କାର୍ଯ୍ୟ କଲପକୁ ନେଇ ସ୍ଥାନୀୟ ଅଞ୍ଚଳରେ ଅସନ୍ତୋଷ ଦାନା ବନ୍ଧୁ ଥିବାବେଳେ ଆଗାମୀ ଦିନରେ କମ୍ପାନୀ ବିରୋଧରେ ଜୋରଦାର ଆନ୍ଦୋଳନ କରିବାକୁ ଲୋକମାନେ ଚେତାବନୀ ଦେଇଛନ୍ତି ।