ଦିଲ୍ଲୀ ବିମାନବନ୍ଦରରେ ଦୁର୍ଘଟଣା: ଛାତ ଭୁଶୁଡ଼ି ୬ ଆହତ
ନୂଆଦିଲ୍ଲୀ: ଶୁକ୍ରବାର (ଜୁନ୍ ୨୮) ସକାଳେ ଦିଲ୍ଲୀ ବିମାନବନ୍ଦରରେ ଏକ ବଡ଼ ଦୁର୍ଘଟଣା ଘଟିଛି। ବିମାନବନ୍ଦରର ଟର୍ମିନାଲ୍ -୧ର ଛାତ ଭୁଶୁଡ଼ି ପଡ଼ିବାରୁ ଛଅ ଜଣ ଆହତ ହୋଇଛନ୍ତି। ରାଜଧାନୀର ଗୁରୁତ୍ୱପୂର୍ଣ୍ଣ ବିମାନବନ୍ଦରରେ ଘଟିଥିବା ଏହି ଘଟଣାରେ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ରାମ ମୋହନ ନାଇଡୁ କିଞ୍ଜାରାପୁଙ୍କ ବିବୃତ୍ତି ମଧ୍ୟ ପ୍ରକାଶ ପାଇଛି। ସେ କହିଛନ୍ତି ଯେ ଟର୍ମିନାଲ୍ -୧ ରେ ସମସ୍ତ ପ୍ରଭାବିତ ଯାତ୍ରୀଙ୍କୁ ସହାୟତା କରିବାକୁ ବିମାନ ସେବା କମ୍ପାନୀମାନଙ୍କୁ ପରାମର୍ଶ ଦିଆଯାଇଛି। ଆହତମାନଙ୍କୁ ଡାକ୍ତରଖାନାକୁ ନିଆଯାଇଛି। ଉଦ୍ଧାର କାର୍ଯ୍ୟ ଜାରି ରହିଛି।
Sambad is now on WhatsApp
Join and get latest news updates delivered to you via WhatsApp
ଶୁକ୍ରବାର ସକାଳେ ଦିଲ୍ଲୀ-ଏନସିଆରରେ ବର୍ଷା ମଧ୍ୟରେ ଖବର ଆସିଥିଲା ଯେ ଦିଲ୍ଲୀ ବିମାନବନ୍ଦରର ଟର୍ମିନାଲ -୧ ର ଛାତର ଏକ ଅଂଶ ଏହା ତଳେ ପାର୍କିଂ ହୋଇଥିବା କାର ଉପରେ ପଡ଼ିଛି ଯେଉଁଥିରେ ୬ ଜଣ ଆହତ ହୋଇଛନ୍ତି। ଅଧିକାରୀ କହିଛନ୍ତି ଯେ ଏହି ଦୁର୍ଘଟଣାରେ କ୍ୟାବ ସମେତ ଅନେକ ଗାଡି ନଷ୍ଟ ହୋଇଯାଇଛି। ଦିଲ୍ଲୀ ଅଗ୍ନିଶମ ସେବା ଘଟଣା ସମ୍ପର୍କରେ ସୂଚନା ପାଇଲା, ପରେ ଉଦ୍ଧାର କାର୍ଯ୍ୟ ପାଇଁ ଦଳ ତୁରନ୍ତ ବିମାନବନ୍ଦରରେ ପହଞ୍ଚିଥିଲା। ଅଗ୍ନିଶମ ନିର୍ଦ୍ଦେଶକ ଅତୁଲ ଗର୍ଗ ନିଶ୍ଚିତ କରିଛନ୍ତି ଯେ୬ ଜଣ ଆହତ ହୋଇଛନ୍ତି।