କସ୍ତୁରୀ ପକ୍ଷରୁ ମହିଳାଙ୍କ ସୁରକ୍ଷା ଓ ସଚେତନତା ସମ୍ପର୍କିତ ବକ୍ତୃତା ପ୍ରତିଯୋଗିତା
ଖଣ୍ଡଗିରି: ସ୍ୱେଚ୍ଛାସେବୀ ସଂଗଠନ କସ୍ତୁରୀ ପକ୍ଷରୁ ମହର୍ଷି ଡିଗ୍ରି କଲେଜରେ ମହିଳାଙ୍କ ସୁରକ୍ଷା ଓ ସଚେତନତା ସମ୍ପର୍କିତ ବକ୍ତୃତା ପ୍ରତିଯୋଗିତା ଆୟୋଜିତ ହୋଇଯାଇଛି। ଏଥିରେ ମୁଖ୍ୟଅତିଥି ଭାବେ ପ୍ରୀତି ରାୟ ଯୋଗଦେଇ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ। ମୁଖ୍ୟବକ୍ତା ଭାବେ ଅଧ୍ୟକ୍ଷ ପତିତ ପାବନ ସ୍ୱାଇଁ, ସମ୍ମାନିତ ବକ୍ତା ଭାବେ ଏସିପି ମାନସୀ ପାତ୍ର ଓ ଅଞ୍ଜନା ଟୁଡୁ, ସମ୍ମାନିତ ଅତିଥି ଭାବେ ଦିଲ୍ଲୀପ କୁମାର ସାହୁ ଯୋଗ ଦେଇଥିଲେ। ଏହି ଅବସରରେ ଛାତ୍ରୀମାନେ ମହିଳାଙ୍କ ସୁରକ୍ଷା ଓ ଆତ୍ମନିର୍ଭରଶୀଳତା ଉପରେ ବକ୍ତବ୍ୟ ପ୍ରଦାନ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଆଗାମୀ ଦିନରେ ମହର୍ଷି ଡିଗ୍ରି ମହିଳା ମହାବିଦ୍ୟାଳୟରେ ରକ୍ତଦାନ ଶିବିର ଅନୁଷ୍ଠିତ ହେବ ବୋଲି ଅଧ୍ୟାପିକା ଶ୍ରଦ୍ଧା ମହାନ୍ତି ସୂଚନା ଦେଇଛନ୍ତି। କାର୍ଯ୍ୟକ୍ରମକୁ ଅଧ୍ୟାପିକା ରଶ୍ମିତା ପରିଡ଼ା, ସୋମିଲା ଦାସ, ପ୍ରଜ୍ଞା ମହାନ୍ତି ଓ କସ୍ତୁରୀର ପ୍ରତିଷ୍ଠାତା ସଂପାଦକ ଭାସ୍କର ଚନ୍ଦ୍ର ନାୟକ ପରିଚାଳନା କରିଥିଲେ। ଅଙ୍କିତା ଧନ୍ୟବାଦ ଦେଇଥିଲେ। ଏଥିରେ ଫକୀର ମୋହନ, ପ୍ରଶାନ୍ତ, ନୀର, ଡଲି, ବଟକୃଷ୍ଣ ଓ ଅର୍ପିତା ସହଯୋଗ କରିଥିଲେ।