ମୁମ୍ବାଇ: ଭାରତୀୟ ଷ୍ଟକ ବଜାର ପାଇଁ ଗୁରୁବାର ( ୨୩ ମେ) ଏକ ଐତିହାସିକ ଦିନ ସାବ୍ୟସ୍ତ ହୋଇଛି । ଆଜି ଷ୍ଟକବଜାରରେ ବଡ଼ ଧରଣର ଉତ୍ସହ ଦେଖିବାକୁ ମିଳିବା ସହ ସେନସେକ୍ସ ଓ ନିଫଟି ଏକ ନୂଆ ଉଚ୍ଚତାରେ ବନ୍ଦ ହୋଇଛନ୍ତି ।
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
ବିଏସଇ ସେନସେକ୍ସ ପ୍ରାୟ ୧୧୯୭ ପଏଣ୍ଟ ବୃଦ୍ଧି ପାଇ ୭୫୪୧୮.୦୪ ପଏଣ୍ଟରେ ବନ୍ଦ ହୋଇଥିବାବେଳେ ଏନଏସଇ ନିଫଟି ୩୬୯.୯୦ ପଏଣ୍ଟ ବୃଦ୍ଧି ପାଇ ୨୨,୯୬୭ ପଏଣ୍ଟରେ ବନ୍ଦ ହୋଇଛି ।
ଆଜିର ଏହି ବୃଦ୍ଧି ଫଳରେ ନିବେଶକମାନଙ୍କ ପ୍ରାୟ ୪ ଲକ୍ଷ ୧୫ ହଜାର କୋଟି ଟଙ୍କାର ଲାଭ ହୋଇଛି । କାରଣ ବିଏସଇ ରେ ତାରିକାଭୁକ୍ତ ଷ୍ଟକମାନଙ୍କ ମାର୍କେଟ କ୍ୟାପ୍ ୪୨୦.୦୯ ଲକ୍ଷ କୋଟିରେ ପହଞ୍ଚିଛି । ଆଜି ବଜାର ଖୋଲିବାବେଳକୁ ଏସବୁ ଷ୍ଟକଗୁଡ଼ିକର ମୋଟ ମାର୍କେଟ କ୍ୟାପ୍ ୪୧୫ ଲକ୍ଷ କୋଟି ଥିଲା ।
ଅନ୍ତର୍ଜାତୀୟ ବଜାରର ପ୍ରଭାବ ଏବଂ ଦେଶରେ ପୁଣି ଥରେ ମୋଦୀ ସରକାର ଆସିବା ସମ୍ଭାବନା ମଧ୍ୟରେ ବଜାରରେ ନିବେଶକଙ୍କ ମଧ୍ୟରେ ଉତ୍ସାହ ଦେଖାଦେଇଛି । ଏହି କାରଣରୁ ସେନସେକ୍ସ ଓ ନିଫଟିରେ ବୃଦ୍ଧି ଦେଖାଦେଇଛି ।