ଜାତୀୟ ଲୋକ ଅଦାଲତ: ୪୧,୯୧୫ ମାମଲାର ଫଇସଲା
ଭୁବନେଶ୍ବର : ଜାତୀୟ ଆଇନ ସେବା ପ୍ରାଧିକରଣ, ନୂଆଦିଲ୍ଲୀ ଓ ଓନିଶା ରାଜ୍ୟ ଆଇନ ସେବା ପ୍ରାଧିକରଣ, କଟକ ନିର୍ଦେଶରେ ଚଳିତବର୍ଷ ଦ୍ବିତୀୟ ରାଷ୍ଟ୍ରୀୟ ଲୋକ ଅଦାଲତ ଭୁବନେଶ୍ବର, ଖୋର୍ଧା, ବାଣପୁର, ଜଟଣୀ, ଚିଲିକା ଓ ଟାଙ୍ଗୀଠାରେ ଥିବା ସମସ୍ତ ବିଚାର ବିଭାଗୀୟ ଅଦାଲଦ ପରିସରରେ ଅନୁଷ୍ଠିତ ହୋଇଯାଇଛି। ଖୋର୍ଧା ଜିଲ୍ଲା ଓ ଦୌରାଜଜ୍ ତଥା ଅଧ୍ୟକ୍ଷ, ଜିଲ୍ଲା ଆଇନ ସେବା ପ୍ରାଧିକରଣ ନିଶିଥ ନିଶାଙ୍କଙ୍କ ନିର୍ଦେଶରେ ଏହା ଆୟୋଜିତ ହୋଇଥିଲା। ପରବର୍ତୀ ରାଷ୍ଟ୍ରୀୟ ଅଦାଲତ ସେପ୍ଟେମ୍ବର ୯ ତାରିଖରେ ଆୟୋଜିତ ହେବ।
Sambad is now on WhatsApp
Join and get latest news updates delivered to you via WhatsApp
ଏହି ଲୋକ ଅଦାଲତରେ ପ୍ରାୟ ସମସ୍ତ ପ୍ରକାରର ବିଚାରାଧୀନ ମାମଲା ଫୌଜଦାରୀ(ସାଲିସଯୋଗ୍ୟ), ଜମି ଅଧିଗ୍ରହଣ, ବିଦ୍ୟୁତ ଓ ଜଳ, ଟେଲିଫୋନ ଭଳି ମାମଲାର ବିଚାର ହୋଇଥିଲା। ବ୍ୟାଙ୍କ ଋଣ ଅନାଦେୟ, ଦୂର ସଞ୍ଚାର ଅନାଦେୟ ବିଲ୍, ରାଜସ୍ବ ପାରିବାରିକ ଓ ବିଭିନ୍ନ ଜନ ଉପଯୋଗୀ ମାମଲାମାନ ଅଦାଲତଙ୍କ ପକ୍ଷରୁ ୬୮,୧୨୪ ଟି ଆଗତ କରାଯାଇଥିଲା। ଆପୋଷ ଆଲୋଚନା ଓ ସହମ୍ମତି ଭିତ୍ତିରେ ରେଡର୍କ ସଂଖ୍ୟକ ୪୧,୯୧୫ଟି ମାମଲାର ଫଇସଲା କରାଯାଇ ୧୪,୪୨,୦୩,୩୧୧ ଟଙ୍କା ସେଟେଲମେଣ୍ଟ କରାଯାଇଥିଲା। ଲୋକ ଅଦାଲତ ସଚିବ ସୌଦାମିନୀ ସିଂଙ୍କ ସମେତ ସମସ୍ତ ବିଚାର ବିଭାଗୀୟ ଅଧିକାରୀମାନେ ନିଜ ନିଜ ଅଦାଲତରେ ମାମଲା ଫଇସଲା କରିଥିଲେ।