ଲାଇଭ୍ କନସର୍ଟରେ ଗୀତ ଗାଉ ଗାଉ କାନ୍ଦି ପକାଇଲେ ନେହା କକ୍କର, ଭାଇରାଲ ହେବାରେ ଲାଗିଛି ଭିଡିଓ
ମୁମ୍ବାଇ : କିଛି ଦିନ ତଳେ ବଲିଉଡ୍ର ଆଗ ଧାଡ଼ିର କଣ୍ଠଶିଳ୍ପୀ ନେହା କକ୍କର ନିଜର ପ୍ରେମିକ ଅଭିନେତା ହିମାନ୍ସ କୋହାଲିଙ୍କଠାରୁ ଅଲଗା ହୋଇ ଯାଇଥିବାର ଖବର ମିଳିଥିଲା । ଦୁହେଁ ନିଜ ନିଜ ସୋସିଆଲ ମିଡିଆ ସାଇଟ୍ରୁ ଫଟୋ ହଟାଇ ଦେଇଥିବା ବେଳେ ନେହା ହିମାନ୍ସଙ୍କୁ ଚିହ୍ନି ନଥିବା କହିଥିଲେ । ଇନ୍ଷ୍ଟାରେ ସେ ଦୁଃଖଭରା ପୋଷ୍ଟ କରି ନିଜ ମନର ଦୁଃଖ ନିଜ ପ୍ରଶଂସକମାନଙ୍କୁ ଜଣାଇଥିବା ବେଳେ ଏବେ ସେ ଲଇଭ୍ କନସର୍ଟରେ କାନ୍ଦିଥିବା ଦେଖା ଯାଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ନେହା ଅହମ୍ମଦାବାଦ୍ର ସରଦାର ପଟେଲ ଷ୍ଟାଡିୟମ୍କୁ ଲାଇଭ୍ କନସର୍ଟ ପାଇଁ ପହଞ୍ଚିଥିଲେ। କନସର୍ଟରେ ନେହା ଉପସ୍ଥିତ ଥିବା ଦର୍ଶକଙ୍କୁ ଏକ ପ୍ରଶ୍ନ ପଚାରିଥିଲେ । ଆପଣମାନେ କାହାକୁ ଭଲ ପାଇଛନ୍ତି ବୋଲି ପ୍ରଶ୍ନ କରିବା ପରେ ଏଠାରେ ପ୍ରେମରେ ହୃଦୟ ଭାଙ୍ଗିଥିବା ଲୋକ ଅଧିକ ଥିବେ ବୋଲି କହିଥିଲେ ନେହା । ଏହା ପରେ ସେ ହୃଦୟ ଭାଙ୍ଗିଥିବା ଲୋକମାନଙ୍କ ପାଇଁ ‘ମାହି ବେ..’ ଗୀତ ଗାଇବା ଆରମ୍ଭ କରିଥିଲେ । ଗୀତ ଗାଇବା ସମୟରେ ନେହା କାନ୍ଦି ପକାଇବା ସହ କିଛି ସମୟ ପାଇଁ ଚୁପ୍ ହୋଇ ଯାଇଥିଲେ । କିଛି ସମୟ ପରେ ସେ ଗୀତ ଗାଇବା ଆରମ୍ଭ କରିଥିଲେ ମଧ୍ୟ ଠିକ୍ ଭାବରେ ଗୀତ ଗାଇ ପାରି ନଥିଲେ । ହିମାନ୍ସଙ୍କଠାରୁ ଅଲଗା ହେବା ପରେ ସେ କେତେ ଭାଙ୍ଗି ପଡ଼ିଛନ୍ତି ତାହା ସ୍ପଷ୍ଟ ଜଣା ପଡ଼ି ଯାଉଥିଲା ।