ଭାରତ ସହ ପରୋକ୍ଷ ଶତ୍ରୁତାକୁ ଓହ୍ଲାଇଲା ଇସ୍ଲାମିକ ରାଷ୍ଟ୍ର ମାଳଦ୍ୱୀପ : ଶକ୍ତି ପ୍ରକଳ୍ପ ଲାଗି ପାକିସ୍ତାନ ସହ ଚୁକ୍ତି କଲା
ନୂଆଦିଲ୍ଲୀ : ପୁଣି ଭାରତକୁ ଚିଡ଼ାଇଲା କ୍ଷୁଦ୍ର ଦ୍ୱୀପ ରାଷ୍ଟ୍ର ମାଳଦ୍ୱୀପ । ମାଳଦ୍ୱୀପ ଏବେ ଭାରତ ସହ ସଂପର୍କ ତୁଟାଇ ଚାଲିଥିବାବେଳେ ଭାରତର ଶତ୍ରୁ ପାକିସ୍ତାନ ସହ ସଂପର୍କ ବଢାଇଚାଲିଛି । ନିକଟରେ ଭାରତର ହେଲିକାପ୍ଟର ଫେରାଇଦେବା, ଭାରତୀୟଙ୍କୁ ଓ୍ଵାର୍କ ପରମିଟ ବନ୍ଦ କରିବା ପରେ ଏହି ଦେଶ ଏବେ ପାକିସ୍ତାନ ସହ ଏକ ଚୁକ୍ତି କରିଛି । ଶକ୍ତି କ୍ଷେତ୍ରରେ ବିଭିନ୍ନ ପ୍ରକଳ୍ପ ନିର୍ମାଣ ପାଇଁ ଏହି ଦେଶ ପାକିସ୍ତାନକୁ ଆମନ୍ତ୍ରିତ କରିଛି । ଏହା ପୂର୍ବରୁ ଏହି ଦେଶରେ ଅନେକ ବଡ଼ ବଡ଼ ପ୍ରକଳ୍ପ ଚୀନ କମ୍ପାନିମାନଙ୍କୁ ଦିଆଯାଇଥିଲା । ମୁଖ୍ୟତଃ ଚୀନ ଓ ପାକିସ୍ତାନ ପ୍ରରୋଚନାରେ ପଡ଼ି ଏହି ଇସ୍ଲାମିକ ଦେଶ ମାଳଦ୍ୱୀପ ଭାରତ ପ୍ରତି ଶତ୍ରୁତା ଆଚରଣ କରୁଛି ।
Sambad is now on WhatsApp
Join and get latest news updates delivered to you via WhatsApp
ଗତ ମାସରେ ମାଳଦ୍ୱୀପରେ ଥିବା ଭାରତର ଦୁଇଟି ସାମରିକ ହେଲିକାପ୍ଟରକୁ ଫେରାଇ ନେବା ପାଇଁ ମାଳଦ୍ୱୀପ କହିବା ପରେ ଭାରତ ସରକାର ଏଗୁଡ଼ିକୁ ଖୁବ ଶୀଘ୍ର ଫେରାଇ ନେବାକୁ ନିଷ୍ପତ୍ତି ନେଇଛନ୍ତି । ମାଳଦ୍ୱୀପର ଦକ୍ଷିଣରେ ଥିବା ଆଦୁ ଦ୍ୱୀପର ଗେନ ଏୟାରଫିଲ୍ଡରେ ଓ ଉତ୍ତରରେ ଥିବା ଲାମୁଠାରେ ଥିବା ଏୟାରଫିଲ୍ଡରେ ଭାରତର ଏହି ଦୁଇଟି ହେଲିକାପ୍ଟର ରହିଛି । ଏଗୁଡ଼ିକ ସହ ୧୨ ଜଣ ପାଇଲଟ ସହ ୨୫ ଜଣ ନୌସେନା ଓ କୋଷ୍ଟଗାର୍ଡର କର୍ମଚାରୀ ଅଛନ୍ତି ।
ଗତ ମାସରେ ଜାତିସଂଘର ଏକ ଅସ୍ଥାୟୀ ସଦସ୍ୟ ପଦବୀ ପାଇଁ ହୋଇଥିବା ନିର୍ବାଚନରେ ଭାରତ ମାଳଦ୍ୱୀପ ବିପକ୍ଷରେ ଓ ଇଣ୍ଡୋନେସିଆ ସପକ୍ଷରେ ଭୋଟ ଦେଇଥିଲା । ଏହି ଭୋଟରେ ମାଳଦଦ୍ୱୀପ ଶୋଚନୀୟ ଭାବେ ୧୪୪-୪୬ ଭୋଟ ବ୍ୟବଧାନରେ ହାରିଥିଲା ।