ନୂଆଦିଲ୍ଲୀ : କ୍ରମାଗତ ୨ୟ ଥର ପାଇଁ ଲୋକସଭାରେ କେହି ବିରୋଧୀ ଦଳ ନେତାର ମାନ୍ୟତା ନ ପାଇବାର ସମ୍ଭାବନା ରହିଛି । ଏହା ଧୀରେ ଧୀରେ ସ୍ପଷ୍ଟ ହେବାରେ ଲାଗିଛି । କାରଣ ବିଜେପି ଏକାକୀ ୩୦୦ରୁ ଅଧିକ ଆସନ ଜିଣି ସଂଖ୍ୟାଗରିଷ୍ଠତା ହାସଲ କରିଥିବାବେଳେ ଦୂର ୨ୟ ସ୍ଥାନରେ ଥିବା କଂଗ୍ରେସ ମାତ୍ର ୫୧ଟି ଆସନ ପାଇବାର ସମ୍ଭାବନା ରହିଛି । କିନ୍ତୁ ସଂସଦୀୟ ନିୟମ ଅନୁସାରେ ବିରୋଧୀ ଦଳ ନେତାର ମାନ୍ୟତା ପାଇବା ପାଇଁ ଅତି କମରେ ୫୫ଟି ଆସନ ଆବଶ୍ୟକ ପଡିଥାଏ ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ କଂଗ୍ରେସ କିମ୍ବା ଅନ୍ୟ କୌଣସି ଦଳ ପାଖରେ ଏହି ସଂଖ୍ୟା ନଥିବାରୁ କୌଣସି ଦଳକୁ ଏହି ମାନ୍ୟତା ମିଳିବ ନାହିଁ । ବିରୋଧୀ ଦଳ ନେତା ଏକ ସମ୍ବିଧାନିକ ପଦବୀ । କେତେକ ଗୁରୁତ୍ୱପୂର୍ଣ୍ଣ ନିଯୁକ୍ତି ଯେପରିକି ସେଣ୍ଟ୍ରାଲ ଭିଜିଲାନ୍ସ କମିଶନ, ଜାତୀୟ ମାନବାଧିକାର ଆୟୋଗ, ନାସନାଲ ଜୁଡିସିଆଲ ଆପଏଣ୍ଟମେଣ୍ଟ କମିଶନ, ସିବିଆଇ ମୁଖ୍ୟ ଆଦି ପାଇଁ ବିରୋଧୀ ଦଳ ନେତାଙ୍କ ଆବଶ୍ୟକତା ପଡିଥାଏ ।