କୋଲକାତା: ପଶ୍ଚିମବଙ୍ଗରେ ରାଜନୈତିକ ହିଂସା ଘଟଣା ବଢିଚାଲିଥିବାବେଳେ ୪ ଜଣ ଆତଙ୍କବାଦୀ ଗିରଫ ହୋଇଛନ୍ତି | ପଶ୍ଚିମବଙ୍ଗ ପୋଲିସର ସ୍ପେଶାଲ ଟାସ୍କଫୋର୍ସ ଏମାନଙ୍କୁ ଗିରଫ କରିଥିବାବେଳେ ତିନିଜଣ ସଦସ୍ୟ ବାଙ୍ଗଲାଦେଶର ହୋଇଥିବାବେଳେ ଜଣେ ଭାରତୀୟ ବୋଲି ଜଣାପଡିଛି | ଏମାନଙ୍କର ସମ୍ପୃକ୍ତି କୁଖ୍ୟାତ ଆତଙ୍କବାଦୀ ସଂଗଠନ ଇସଲାମିକ ଷ୍ଟେଟ ସହ ଥିବାର ସନ୍ଦେହ କରାଯାଉଛି | କୋଲକାତା ଏସଟିଏଫ ପକ୍ଷରୁ କୁହାଯାଇଛି ଯେ ବାଙ୍ଗଲାଦେଶର ଜମାତ-ଉଦ- ଦାବା ସହ ଏହି ଆତଙ୍କବାଦୀଙ୍କର ସମ୍ପର୍କ ରହିଛି |
Sambad is now on WhatsApp
Join and get latest news updates delivered to you via WhatsApp
କୋଲକାତା ପୁଲିସର ସ୍ପେଶାଲ ଟାସ୍କଫୋର୍ସ ସୀଲଦା ରେଳଷ୍ଟେସନ ପରିସରରୁ ଏମାନଙ୍କୁ ଗିରଫ କରାଯାଇଥିବାବେଳେ କିଛି ଆପତ୍ତିଜନକ ସାମଗ୍ରୀ ଜବତ କରାଯାଇଛି | ମିଳିଥିବା ସୂଚନା ଅନୁସାରେ ଭାରତରେ ବେଆଇନ ଭାବରେ ରହି ନିଜ ସଙ୍ଗଠନକୁ ବୃଦ୍ଧି କରାଇବାରେ ପ୍ରମୁଖ ଭୂମିକା ନିର୍ବାହ କରୁଥିଲେ | ଗିରଫ ହୋଇଥିବା ଆତଙ୍କବାଦୀଙ୍କ ନାମ ହେଉଛି ଜାହିର ଅବାସ, ମୋମୁନର ରସିଦ, ମୋହମଦ ସାହିନ ଓ ରବିଉଲ ଇସଲାମ | ତେବେ ଏମାନଙ୍କର ଯୋଜନା କଣ ଥିଲା ତାହାକୁ ନେଇ ଏସଟିଏଫ ପଚରାଉଚୁରା କରୁଛି |
କାରଣ ଏମାନଙ୍କ ନିକଟରୁ ଜିହାଦି ସମ୍ପର୍କିତ କାଗଜପତ୍ର ସହ ପୁସ୍ତିକା ଜବତ କରାଯାଇଛି | କିଛି ଦିନ ଧରି ବୀରଭୂମ ଅଞ୍ଚଳରେ ଆଇଏସ ସପକ୍ଷରେ ଫେସବୁକ ପୋଷ୍ଟ କରାଯାଉଥିଲା | ଯାହାକୁ ନେଇ ଏସଟିଏଫର ସନ୍ଦେହ ବଢିଥିଲା | ପରେ ଏମାନଙ୍କ ଉପରେ ନଜର ରଖାଯାଇ ଗିରଫ କରାଯାଇଛି |